Saturday, 21 November 2026
Advertisement
MWSC — SmartMeter (leaderboard)
ޚަބަރު

އާ އަހަރު ފާހަގަކުރުމާ ދިމާކޮށް ބަނގުރަލާ އެކު 3 މީހަކު ހައްޔަރުކޮށްފި

އާ އަހަރު ފާހަގަކުރުމާ ދިމާކޮށް ބަނގުރަލާ އެކު 3 މީހަކު ހައްޔަރުކޮށްފި
މި ފެށުނު އާ އަހަރު ފާހަގަކުރުމާ ދިމާކޮށް ބަނގުރަލާ އެކު 3 މީހަކު ހައްޔަރުކޮށްފި އެވެ. އާ އަހަރާ ދިމާކޮށް "ރިވެލި" ނަމުގައި ހާއްސަ އޮޕަރޭޝަނެއް ފުލުހުން ފެށީ މިދިޔަ ހަފުތާގެ އަންގާރަ ދުވަހުގެ ރެ އެވެ. މީގެކުރިން ފުލުހުން ބުނެފައި ވަނީ އޮޕަރޭޝަނުގެ ތެރެއިން މާލެ ސަރަަހައްދު ބެލެހެއްޓުން އިތުރަށް ހަރުދަނާ ކުރެވޭނެ ކަަމަށެވެ. އަދި ޝައްކު ކުރެވޭ ފަރާތްތައް ހުއްޓުވައި ބަލައި ފާސްކުރުމުގެ ހާއްސަ މަސައްކަތްތަކާއި އާންމު މަސްލަހަތު އަދި ހަމަޖެހުން ދެމެހެއްޓުމަށް އިތުރު ފިޔަވަޅުތައް އަޅާނެ ކަމަށެވެ. އާ އަހަރާ ގުޅިގެން ހުޅުމާލެތެރެ ބަލަހައްޓަން ކުރިއަށް ގެންދާ އޮޕަރޭޝަނަކީ ހުޅުމާލެތެރެ ހަލަބޮލިވިޔަ ނުދިނުމަށާއި ކުށްތައް ހުއްޓުވުމަށް ކުރިއަށް ގެންދާ އޮޕަރޭޝަނެއްކަން ފުލުހުން ބުނެފައިވެ އެވެ. އަދި ހުޅުމާލެތެރެ އަމާންކޮށް ބޭއްވުމަށް ކުރަން ޖެހޭ އެންމެހާ މަސައްކަތް ކުރާނެކަން ފާހަގަކޮށްފައިވެ އެވެ. އޮޕަރޭޝަނުގައި ހުޅުމާލޭގެ އެކި ސަރަހައްދުތަކުގައި ސްޓެޓިކް ޑިއުޓީކޮށް، ވީސީޕީތައް ވަނީ އިތުރުކޮށްފަ އެވެ. އިތުރަށް ބުނެފައިވާ ގޮތުގައި އޮޕަރޭޝަނުގެ ތެރެއިން ހުޅުމާލޭގެ ދެ ފިޔަވަހީގެ ސަރަހައްދުތައް ބެލެހެއްޓުން އިތުރުކޮށް، ފިޔަވަހި ތިނެއް ސަރަހައްދަށް ވަދެނިކުމެ ހަދާ މީހުންނާއި އުޅަނދުތައް ބަލައި ފާސްކުރާނެ ކަމުގަ އެވެ. އޮޕަރޭޝަން ރިވެލީގެ ތެރެއިން ވެލާނާ އިންޓަނޭޝަނަލް އެއާޕޯޓު (ވީއައިއޭ) ގެ ސަރަހައްދުތައް ވެސް ޕެޓްރޯލްކޮށް، ބަލަހައްޓަން ފުލުހުން ވަނީ ނިންމާފަ އެވެ. މީޑިއާތަކަށް މިއަދު ފޮނުވި މެސެޖެއްގައި ފުލުހުން ބުނީ މީލާދީ އާ އަހަރާ ދިމާކޮށް ހިންގި މަސްތުވާތަކެތީގެ އޮޕަރޭޝަނުގައި ރޭ 3 މީހަކު ހައްޔަރުކޮށްފައިވާ ކަމަށެވެ. އެ މީހުން ހައްޔަރުކުރީ ގަވާއިދާ ހިލާފަށް ބަނގުރާ ގެންގުޅެ، ބޭނުންކޮށް، އެ ތަކެތީގެ ވިޔަފާރިކުރާ ކަމަށް ތުހުމަތު ކުރެވޭ މައްސަލައިގައި ކަމަށް ފުލުހުން ބުންޏެވެ. އެ މައްސަލައިގައި ހައްޔަރުކުރީ:
  • މާލެ، ގ. ރެއިންބޯ، އިސްމާއީލް މާހީން މުސްތަފާ (26އ)
  • ސ. ހުޅުދޫ، ހެޕީޑްރީމް، އިބްރާހީމް އަކްމަލް އަބްދުއްސައްތާރު (19އ)
  • ސ. ހުޅުދޫ، ޗާދަނީގެ، އަހްމަދު އާނިޝް (22އ)
ފުލުހުން ބުނީ ހައްޔަރު ކުރެވުނު 3 މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ޝަރުތުކޮށް ދޫކޮށްލާފައިވާ ކަމަށެވެ. އެ މައްސަލަ ފުލުހުން ދަނީ ތަހުގީގު ކުރަމުންނެވެ. އާ އަހަރާ ދިމާކޮށް މާލޭގައި ކުރިއަށް ގެންދާ އޮޕަރޭޝަނުގައި މާލެ ޕޮލިސް އާ ގުޅުންހުރި އެހެން ބަހާތަކުން ބައިވެރިވެ އެވެ. ހުޅުމާލޭގައި އޮޕަރޭޝަން ކުރިއަށް ގެންދަނީ ހުޅުމާލޭގެ ދެ ފިޔަވަހީގައި ގާއިމުކޮށްފައިވާ ޕޮލިސް ސްޓޭޝަންތަކުންނާއި ހުޅުމާލެ ޓްރެފިކް ޕޮލިސް ޑިޕާާޓްމަންޓާއި އެއާޕޯޓް ޕޮލިހާ އަދި ހުޅުމާލެ ސީރިއަސް ކްރައިމް އިންވެސްޓިގޭޝަން ގުޅިގެންނެވެ. އޭގެ އިތުރުން ޑްރަގް އެންފޯސްމަންޓުން ވެސް ދަނީ އޮޕަރޭޝަން ހިންގަމުންނެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.