އަތޮޅު ތެރޭގައި ކުނީގެ ފީ ކަރަންޓު ބިލާ އެއްކޮށްނުލަން ނިންމައިފި
އަތޮޅު ތެރޭގައި ވެސް ކުނި ނަގާ ފީ ކަރަންޓު ބިލުގައި ހިމަނަން ވޭސްޓް މެނޭޖުމެންޓް ކޯޕަރޭޝަން ލިމިޓެޑް (ވެމްކޯ) އިން ކުރިން ނިންމި ނިންމުން ބާތިލުކޮށްފި އެވެ.
މި މަހުގެ އެއްވަނަ ދުވަހުން ފެށިގެން މާލެ ސަރަހައްދެކޭ އެއްގޮތަށް ރަށްރަށުގައި ވެސް ވެމްކޯގެ ބިލު، ކަރަންޓު ބިލާ އެއްކޮށްލައިގެން ފޮނުވޭނެ އިންތިޒާމު ހަމަޖައްސާނެކަން ވެމްކޯއިން އޮތީ އިއުލާންކޮށްފަ އެވެ.
ވެމްކޯއިން މިއަދު ނެރުނު ބަޔާނެއްގައި ބުނީ ގޭބިސީތަކުން ކުނިނަގައި ދިނުމުގެ ހިދުމަތުގެ ބިލު ޔުޓިލިޓީ އެހެން ހިދުމަތެއްގެ ބިލުގައި ހިމެނުމަށް ނިންމި ނިންމުން ރައީސް ޑރ މުހައްމަދު މުއިއްޒުގެ ލަފާފުޅުގެ މަތިން ބާތިލުކުރެވިފައިވާ ކަމަށެވެ.
އެ ބަދަލާއެކު ހިދުމަތް ފޯރުކޮށްދޭނީ އަދި ހިދުމަތަށް ބިލު ކުރެވޭނީ ވެމްކޯގެ ހިދުމަތައް ރަޖިސްޓްރީ ކޮށްފައިވާ ފަރާތްތަކަށް އެކަނި ކަމަށެވެ.
އަދި ބިލަށް ފައިސާ ދެއްކުމުގެ ކަންކަން ވެމްކޯގެ އަތޮޅުތެރޭ ރަށްރަށުގައި ގާއިމް ކޮށްފައިވާ އޮފީސްތަކުންނާއި ވެމްކޯގެ އަވަސްޕޭ ޕޯޓަލް މެދުވެރިކޮށް އިންތިޒާމު ކުރެވިފައިވާ ކަމަށް އެ ބަޔާނުގައި ބުންޏެވެ.
ވެމްކޯއިން މި ވަގުތު މާލޭގެ އިތުރުން އިތުރުން ހިދުމަތް ދެނީ ލ ފޮނަދޫ، ލ ގަން ކ މާފުށި އަދި ތ ގުރައިދޫގ އިތުުރުން ކ ހިންމަފުށީ ގަ އެވެ.
