މޯލްޑިވް ގޭސްއިން 45 ކިލޯގެ ގޭސް ސިލިންޑަރު ރީފިލްކޮށްދޭ އަގު ހެޔޮކޮށްފި
މޯލްޑިވް ގޭސްއިން ވިއްކާ އެލްޕީޖީ 45 ކިލޯގެ ގޭސް ސިލިންޑަު ރީފިލްކޮށްދޭ އަގު ހެޔޮކޮށްފި އެވެ.
މޯލްޑިވް ގޭސްއިން ކުރިން 45 ކިލޯގެ ގޭސް ސިލިންޑަރެއް ރީފިލްކޮށްދެމުން އައީ ދިޔައީ 1265 ރުފިޔާ އަށެވެ.
ނަމަވެސް މިއަދު މިއަދުން ފެށިގެން އޭގެ އަގު 1170އަށް ކުޑަކޮށްފައިވާ ކަމަށް މޯލްޑިވް ގޭސްއިން ވަނީ ބުނެފަ އެވެ.
މިއީ ހެޔޮ އަގެއްގައި ގޭހުގެ ހިދުމަތް ފޯރުކޮށްދިނުމަށް އެ ކުންފުނިން ކުރަމުންދާ މަސައްކަތްތަކުގެ ތެރެއިން ނިންމި ނިންމުމެއް ކަމަށް މޯލްޑިވް ގޭސްއިން ބުނެފައިވެ އެވެ.
ހަމަ އެހެންމެ މެދު ނުކެނޑި ރައްކާތެރި އަދި ކޮލިޓީ ގޭހުގެ ޕްރޮޑަކްޓްތައް ކަސްޓަމަރުންނށް ފޯރުކޮށްދިނުމުގައި ދެމިތިބޭނެ ކަމަށް ވެސް މޯލްޑިވް ގޭސްއިން ބުނެފައިވެއެވެ.
މޯލްޑިވް ގޭސްއިން ވިއްކާ 45 ކިލޯގެ ގޭސް ސިލިންޑަރަކީ ކެފޭތަކާއި އަދި އިންޑަސްޓްރިއަލް ތަންތަނުގައި ބޭނުންކުރުމަށް ވިއްކާ ގޭސް ސިލިންޑަރު ތަކެކެވެ.
މޯލްޑިވް ގޭސްއަކީ ރާއްޖޭގައި އެލްޕީޖީ ގޭސް އެންމެ ފުޅާ ދާއިރާއެއްގައި ފޯރުކޮށްދޭ އެއް ކުންފުންޏެވެ.
އަދި އެ ކުންފުނިން ދަނީ ގޭބިސީތަކުގައި ބޭނުންކުރާ ގޭސް ފުޅިތައް ވެސް ވިއްކައި ރީފިލްކޮށްދެމުންނެވެ.
