Tuesday, 17 November 2026
Advertisement
HDC — Share-Below (leaderboard)
ސަރުކާރު

މިސްކިތުގެ ގަދަރު ކެނޑޭ ގޮތަށް އަމަލުކުރި މައްސަލަ ބަލައި ފިޔަވަޅު އަޅަނީ

މިސްކިތުގެ ގަދަރު ކެނޑޭ ގޮތަށް އަމަލުކުރި މައްސަލަ ބަލައި ފިޔަވަޅު އަޅަނީ

މިސްކިތެއް ކަމަށް ބެލެވޭ ތަނެއްގައި މިސްކިތެއްގެ ގަދަރާއި އިހްތިރާމާ ނުގުޅޭ ކަންތައްތަކެއް ކުރާ މައްސަލަ ހިނގާފައިވާ ގޮތް ބަލައި ފިޔަވަޅު އަޅާނެ ކަމަށް އިސްލާމިކް މިނިސްޓްރީން ބުނެފި އެވެ.

ސޯޝަލް މީޑިއާގައި ދައުރުވަމުން އަންނަ ވީޑިއޯއިން ފެންނަނީ މިސްކިތެއް ކަމަށް ބެލެވޭ ތަނެއްގައި ބަޔަކު ކުޅިވަރު ހަރަކާތެއް ކުރިއަށް ގެންދާ މަންޒަރެވެ. ދެ ޖިންސުގެ މީހުން ކުޅިވަރު ކުޅުމުގައި ހަރަކާތްތެރިވާ ތަން ވީޑިއޯއިން ފެނެ އެވެ. ވީޑިއޯ ޕޯސްޓުކުރި ފަރާތުން ލިޔެފައި ވަނީ އެ ހަރަކާތް ބާއްވާފައި ވަނީ ތ. ވިލުފުށީގައި ހުންނަ މަސްޖިދުލް އުމަރު ފާރޫގްގައި ކަމަށެވެ.

އެ ވީޑިއޯ އާ ގުޅިގެން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު "އެކްސް" ގައި ކުރެއްވި ޕޯސްޓެއްގައި ވިދާޅުވީ މިސްކިތެއް ކަމަށް ބެލެވޭ ތަނެއްގައި މިސްކިތެއްގެ ގަދަރާއި އިހްތިރާމާ ނުގުޅޭ ކަންތައްތަކެއް ކުރާ ތަން ފެންނަ ވީޑިއޯގެ މައްސަލަ މިނިސްޓްރީގެ ސަމާލު ކަމަށް އައިސްފައިވާ ކަމަށެވެ.

Advertisement
Ooredoo — Square (box)

<strong>"މިއީ ކިހިނެއް ހިނގާފައިވާ ކަމެއްތޯ ބެލުމުގެ ކަންކަން މިނިސްޓްރީން ވަނީ ފަށާފައި،"</strong> ޝަހީމް ވިދާޅުވި އެވެ.

މިނިސްޓަރު ވިދާޅުވި ގޮތުގައި މިސްކިތްތަކުގެ ހުރުމަތް ކަނޑާ ފަރާތްތަކަށް ދީނީ އެއްބައިވަންތަކަން ހިމާޔަތް ކުރުމުގެ ގާނޫނާއި ގަވާއިދުގެ ދަށުން ފިޔަވަޅު އަޅުއްވާނެ ކަމުގަ އެވެ.

މި މައްސަލަ އާ ގުޅިގެން ފުލުހުން ބުނީ އެ ކަމަކީ މިފަހުން ހިނގާފައިވާ ކަމެއް ނޫން ކަމަށެވެ. އެއީ މިދިޔަ އަހަރުގެ ތެރޭގައި ހިނގާފައިވާ ކަމެއް ކަމަށެވެ.

އަދި އެކަން ކޮށްފައި ވަނީ އެކި ހަރަކާތްތައް އިންތިޒާމްކޮށް، ހިންގަން ދޫކުރަން މިސްކިތުގެ ތެރޭގައި ހަދާފައިވާ ވަކި ތަނެއްގެ ތެރޭގައި ކަމަށް ވެސް ފުލުހުން މައުލޫމާތު ދީފައިވެ އެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.