Tuesday, 17 November 2026
Advertisement
Ooredoo — Airfibre (leaderboard)
ޚަބަރު

ޕެންޝަން އޮފީހުގެ ބޯޑުގެ މެމްބަރުކަމަށް ކުރިމަތިލުމުގެ ފުރުސަތު އަނެއްކާވެސް ހުޅުވާލައިފި

ޕެންޝަން އޮފީހުގެ ބޯޑުގެ މެމްބަރުކަމަށް ކުރިމަތިލުމުގެ ފުރުސަތު އަނެއްކާވެސް ހުޅުވާލައިފި

މޯލްޑިވްސް ޕެންޝަން އޮފީހުގެ ބޯޑުގެ މެމްބަރުކަމަށް ކުރިމަތިލުމުގެ ފުރުސަތު އަނެއްކާވެސް ހުޅުވާލައިފި އެވެ.

ޕެންޝަން އޮފީހުން މިއަދު ސަރުކާރުގެ ގެޒެޓުގައި ކުރީ އިއުލާނެއްގައި ބުނީ އެ އޮފީހުގެ ބޯޑުގައި ޕްރައިވެޓް ސެކްޓާ ތަމްސީލުކުރައްވާ 4 މެންބަރުންގެ ތެރެއިން 2 މަގާމަށް ކުރިމަތިލުމަށް ހުޅުވާލި ފުރުސަތުގައި، އެކަށީގެންވާ އަދަދަކަށް އެޕްލިކޭޝަން ލިބިފައިނުވާ ކަމަށެވެ.

އެހެންވެ ކުރިން ކުރި އިއުލާން ބާތިލުކޮށްފައިވާ ކަމަށާއި އެހެންވެ އެ މަގާމަށް ޝައުގުވެރިވާ ފަރާތްތަކުން އަލުން ކުރިމަތިލުމަށް އެދިފައިވެ އެވެ.

Advertisement
Allied Insurance — Square (box)

އެ މަގާމަށް ކުރިމަތިލުމުގެ ޝަރުތުތަކުގެ ތެރޭގައި ވިޔަފާރި ނުވަތަ ގާނޫނީ ރޮނގުން ފުރަތަމަ ޑިގްރީ ފެންވަރަށް ތައުލީމު ހާސިލުކޮށްފައިވުމާއެކު ޕެންޝަން ނުވަތަ އިންވެސްޓްމަންޓްގެ ދާއިރާގައި މަސައްކަތުގެ ތަޖުރިބާ ހާސިލުކޮށްފައިވުން ހިމެނެ އެވެ.

އަދި ޕެންޝަން އޮފީހުގެ ބޯޑުގައި ޕްރައިވެޓް ސެކްޓާ ތަމްސީލުކުރައްވާ މެންބަރުންނަކީ، ދައުލަތުގެ ނުވަތަ ސަރުކާރުގެ އެއްވެސް ވަޒީފާއެއް އަދާކުރައްވާ މީހަކު ކަމުގައި ނުވާނެ ކަމަށް ވެސް ބުނެފައިވެ އެވެ.

އެ ދެ މަގާމަށް ކުރިމަތިލުމުގެ ފުރުސަތު މި މަހުގެ 26އާ ހަމައަށް ވަނީ ހުޅުވާލައިފަ އެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.