ސޮއެ ފޯޖްކޮށްގެން ކުންފުންޏެއްގެ ހިއްސާ ބަދަލުކުރަން އުޅުނު މައްސަލައެއް

ސޮއެ ފޯޖުކޮށްގެން ކުންފުންޏެއްގެ ހިއްސާ ބަދަލުކުރަން އުޅުނު މައްސަލައެއް ފުލުހުން ބަލަން ފަށައިފި އެވެ.

Ads by STELCO

މީޑިއާތަކަށް މިއަދު ފޮނުވި މެސެޖެއްގައި ފުލުހުން ބުނީ ބަލަމުން ދަނީ އެމަރެލްޑް ގްރޭންޑް ހޮޓެލްގެ އީ-ސިގްނޭޗާ ފޯޖުކޮށްގެން ހިއްސާ ބަދަލުކުރަން އުޅުނު މައްސަލައެއް ކަމަށެވެ.

އެ މައްސަލަ ފުލުހަށް ހުށަހެޅީ އޮގަސްޓު 22، 2024 ގަ އެވެ.

އިތުރު ތަފްސީލެއް ހިއްސާނުކޮށް، ފުލުހުން ބުނީ މައްސަލަ ތަހުގީގު ކުރަމުންދާ ކަމަށެވެ.

އިކޮނޮމިކޮ މިނިސްޓްރީގެ ބިޒްނަސް ޕޯޓަލުން ދައްކާ ގޮތުން އެ ކުންފުނީގެ ހިއްސާދާރުންގެ ގޮތުގައި ތިބެނީ އަހުމަދު ސާބިރު އާއި އަލީ ފައްޔާޒު އެވެ.

އިކޮނޮމިކް މިނިސްޓްރީގައި ކުންފުނި ރަޖިސްޓްރީ ކޮށްފައިވަނީ މޭ 21، 2019 ގަ އެވެ.