ޓްރަމްޕަށް ރައީސްގެ މަރުހަބާ؛ ދުނިޔޭގެ ސުލްހައަށް ގުޅިގެން މަސައްކަތް ކުރަން ތައްޔާރު
އެމެެރިކާގެ ރައީސް ކަމުގެ ހުވާ ޑޮނާލްޑް ޓްރަމްޕް ކުރެއްވުމާ އެކު އެމަނިކުފާނަށް ރައީސް ޑރ. މުހައްމަދު މުއިއްޒު މަރުހަބާ ވިދާޅުވެއްޖެ އެވެ.
Ads by STELCO
ޓްރަމްޕަށް މަރުހަބާ ވިދާޅުވެ ރައީސް ކުރެއްވި ޕޯސްޓެއްގައި ވިދާޅުވީ ދުނިޔެ ނުތަނަވަސްކަމެއްގެ ތެރޭގައިވާ މި ދަނޑިވަޅުގައި ޓްރަމްޕްގެ އާ ސަރުކާރުގެ ވިސްނުންތަކާއި ސިޔާސަތުތަކުން ހިކުމަތްތެރި ބަދަލުތަކެއް ފެންނާނެ ކަމަށް އުންމީދު ކުރައްވާ ކަމަށެވެ.
”ދުނިޔޭގެ ސުލްހައަށް ދެ ގައުމުން އެއްބަސްވެފައިވާ ލަނޑުދަނޑިތައް އިތުރަށް ހަރުދަނާކޮށް، ޒަމާންވީ ގުޅުން މި ދައުރުގެ ތެރޭގައި ކުރިއެރުވުމަށް އާ ސަރުކާރާ އެކު މަސައްކަތްކުރުމަށް ދިވެހިރާއްޖެ އޮތީ ތައްޔާރަށް،“ ރައީސް މުއިއްޒު ވިދާޅުވި އެވެ.
Ads by STO
