ބީއެމްއެލްގެ ބޯޑަށް ކުރިމަތިލާން ހުޅުވާލައިފި
ބޭންކް އޮފް މޯލްޑިވްސް (ބީއެމްއެލްގެ)ގެ އާންމު ހިއްސާދާރުންގެ ފަރާާތުން ބޯޑަށް އައްޔަނުކުރާ ތިން ޑިރެކްޓަރުންގެ މަގާމަށް ކުރިމަތިލާން ހުޅުވާލައިފި އެވެ.
ބީއެމްއެލްއިން މިއަދު ކުރި އިއުލާނެއްގައި ބުނީ އެ މަގާމަށް ކުރިމަތިލެވޭނީ އުމުރުން 30 އަހަރާއި 70 އަހަރާއި ދެމެދުގެ ފަރާތްތަކަށް ކަމަށެެވެ.
އެ މަގާމަށް ކުރިމަތިލުމުގެ ޝަރުތުތަކުގެ ތެރޭގައި ބޭންކިންއާާއި މާލީ ހިދުމަތްތަކާއި އަދި އިންވެސްޓްމަންޓް ވިޔަފާރިއާއި ހާއްސަ ކުންފުންޏަކަށް ކުރިމަތިވެފައިވާ މާކެޓް ނުވަތަ އެހެން ރިސްކުތަކާ ބެހޭ އެކަށީގެންވާ ހޭލުންތެރިކަމާއި މައުލޫމާތު ލިބިފައިވާ ފަރާތަކަށް ވުން ހިމެނެ އެވެ.
އަދި ކުންފުންޏެއްގެ ޑިރެކްޓަރުގެ މަގާމު އަދާކުރުމަށް ގާނޫނަކުން ނުވަތަ ޝަރުއީ ކޯޓަކުން މަނާކުރެވިފައިވާ މީހަކަށް ވެގެން ނުވާނެ ކަމަށް ޝަރުތުތަކުގެ ތެރޭގައި ހިމެނެ އެވެ.
އޭގެ އިތުރުން ސާބިތު ދަރަންޏެއް ނެތުމާއި އަދި ބަނގުރޫޓްވެފައިވާާ މީހަކަށް ވެސް ވެގެން ނުވާނެ ކަމަށް ވެސް ޝަރުތުތަކުގެ ތެރޭގައި ހިމެނެ އެވެ.
އިތުރު ޝަރުތުތަކުގެ ތެރޭގައި ވައްކަމާއި ހިޔާނާތާއި ހީލަތާއި ފައިސާގެ ކަމެއްގައި މަކަރު ހަދާފައިވާ މީހަކަށް ވެސް ވެގެން ނުވާނެ ކަމަށް ބުނެފައި ވެއެވެ. އަދި ސަރުކާރުގެ މިނިސްޓްރީއެއްގެ އެންމެ އިސް ވެރިޔާގެ މަގާމު ނުވަތަ ކެބިނެޓްގެ މަގާމުގައި ހުންނެވި ބޭފުޅަކަށް ވެސް ވެގެން ނުވާނެ ކަމަށް ބީއެމްއެލްއިން ބުނެފައި ވެއެވެ.
ހުޅުވާލި މަގާމުތަކަށް ޝައުގުވެރިވާ ފަރާތްތަކުން އަންނަ މަހުގެ 24ގެ ކުރިން ލިޔެކިޔުންތަކާއި ފޯމު ހުށަހެޅުމަށް ބީއެމްއެލްއިން ވަނީ އެދިފަ އެވެ.
ބީއެމްްއެލްގެ ބޯޑުގައި 11 މެމްބަރުން ތިއްބަވާއިރު އަށް މެމްބަރުންނަކީ ސަރުކާރު ތަމްސީލުކުރައްވާ މެމްބަރުން ނެވެ.
