ބްރިޖުގައި ހިނގި އެކްސިޑެންޓެއްގައި މީހަކު މަރުވެއްޖެ
ސިނަމާލެ ބްރިޖުގެ ހައިވޭގައި ހުރި ކޯންއެއްގައި ސައިކަލެއް ޖެހި ހިނގި އެކްސިޑެންޓެއްގައި ބިދޭސީއަކު މިއަދު މަރުވެއްޖެ އެވެ.
Ads by Hajj Corporation
މީޑިއާތަކަށް ފޮނުވި މެސެޖެއްގައި ފުލުހުން ބުނީ އެ އެކްސިޑެންޓުގައި ފަރުވާދެމުން ދަނިކޮށް މަރުވީ ބަންގްލަދޭޝް މީހެއް ކަމަށެވެ.
އެކްސިޑެންޓު ހިނގާފައިވަނީ މިއަދު ހެނދުނު 8:19 ގައި އެވެ.
ފުލުހުން ބުނީ އެކްސިޑެންޓު ހިނގީ ހުޅުމާލެއިން މާލެ އަންނަ ލޭނުގެ ސޯލާ ޕެނަލްތައް ކައިރިގައި މަސައްކަތްކުރާކަން އަންގައިދޭން ބަހައްޓާފައި ހުރި ކޯނެއްގައި އެ މީހާ ދުއްވި ސައިކަލު ޖެހިގެން ކަމަށެވެ.
އެ މީހާ މަރުވީ ހެނދުނު 9:05 ހާއިރު އައިޖީއެމްއެޗުގައި ފަރުވާދެމުން ދަނިކޮށް ކަމަށް ފުލުހުން ބުންޏެވެ.
އެ މައްސަލަ ފުލުހުން ދަނީ ތަހުގީގުކުރަމުންނެވެ.
Ads by STO
