ހިލަ ވެއްޔާއި ސިމެންތި އުފުލައިގެން ދަތުރުކުރި ދޯންޏެއް ފަރަށް އަރައިފި

ހިލަވެއްޔާއި ސިމެންތި ހިފައިގެން މާލެއިން  ހއ. އަތޮޅަށް ދަތުރުކުރަމުން ދިޔަ ދޯންޏެއް ފަރަށް އަރައިފި އެވެ.

Ads by Hajj Corporation

"ވެނިސް" ނަމަކަށް ކިޔާ 100 ފޫޓުގެ އެ ސަޕްލައި ދޯނި ފަރަށް އެރީ ނ. މާވައިދޫ ކައިރިން ކަމަށް އެމްއެންޑީއެފްއިން މައުލޫމާތުދެ އެވެ.

އެމްއެންޑީއެފްއިން ބުނީ އެ މައްސަލަ ރިޕޯޓްކުރީ ރޭ ދަންވަރު ހަތަރެއް ޖަހާކަންހާއިރު ކަމަށެވެ.

އެމްއެންއެންޑީއެފްއިން ބުނީ އެ ދޯނީގައި 13 މީހުން ތިބި ކަމަށާއި އެއިން އެއްވެސް މީހަކަށް ގެއްލުމެއް ނުލިބޭ ކަމަށެވެ.

އުޅަނދުތައް ފަރަށް އެރުމުގެ ހާދިސާތައް ދޭތެރެ ދޭތެރިން ހިނގާއިރު އެފަދަ ހާދިސާތަކުގައި ފަރަށް ބޮޑެތި ގެއްލުންތައް ލިބިފައި ވެއެވެ.