އިންޑިއާއިން ރާއްޖެއަށް ދޭން ނިންމި 250 މިލިއަން ޑޮލަރުގެ ލޯނު މިއަދު ހަވާލުކޮށްފި
ބަޖެޓު ސަޕޯޓްގެ ގޮތުގައި އިންޑިއާ އިން ރާއްޖެއަށް ދޭން ނިންމި 250 ޑޮލަރު (3.8 ބިލިއަން ރުފިޔާ)ގެ ލޯނު މިއަދު ހަވާލު ކޮށްފިއެވެ.
މިކަމާއި ގުޅޭގޮތުން ފޮރިން މިނިސްޓްރީ ގައި މިއަދު އޮތް ރަސްމިއްޔާތެއްގައި އެ ލޯނު ރާއްޖެއާއި ހަވާލުކޮށްދެއްވީ އިންޑިއާ ސަފީރު ސަންޖޭ ސުދީރެވެ. ރާއްޖޭގެ ފަރާތުން އެލޯނާއި ހަވާލުވެ ވަޑައިގެންނެވީ ފޮރިން މިނިސްޓަރު އަބްދުﷲ ޝާހިދާއި ފިނޭންސް މިނިސްޓަރު އިބްރާހިމް އަމީރެވެ.
މިލޯނަކީ ފަހުން ދައްކަން ޖެހޭ ގޮތަށް ސްޓޭޓް ބޭންކު އޮފް އިންޑިއާ (އެސްބީއައި) އިން ޓްރެޝަރީ ބިލެއްގެ ގޮތުގައި ގަތް ފައިސާއެކެވެ.
ކުޑަ އިންޓަރެސްޓަކާއެކު ރާއްޖެއިން މިފައިސާ އިންޑިއާ އަށް އަނބުރާ ދައްކަން 10 އަހަރު ދުވަހުގެ މުއްދަތެއް ދީފައިވާ ކަމަށް ރަސްމިއްޔާތުގައި ވާހަކަ ދައްކަމުން ސަންޖޭ ސުދީރު ބުންޏެވެ.
މިއީ ކޮވިޑް-19 ގެ ސަބަބުން ކުރިމަތިވެފައިވާ އިގްތިސާދީ ދަތިކަމުން އަރައިގަތުމަށް އެހީތެރިވުމަށްޓަކައި އިންޑިއާއިން ރާއްޖެއަށް ދީފައިވާ ބޮޑު ލޯނެކެވެ.
