ލަވަކިޔުންތެރިޔާ މެޒޯ މުހައްމަދު ނިޔާވެއްޖެ

ރާއްޖޭގެ މަޝްހޫރު ލަވަކިޔުންތެރިޔާ މުހައްމަދު މާޖިދު (މެޒޯ މޯޑް) ކުއްލި ގޮތަކަށް މިއަދު ނިޔާވެއްޖެ އެވެ.

މައުލޫމާތު ލިބިފައިވާ ގޮތުން މެޒޯ ނިޔާވީ ހާޓްއެޓޭކެއް ޖެހިގެން ފަރުވާދެމުން ދަނިކޮށެވެ.

އުމުރުން 60 އަހަރުގެ މެޒޯ ނިޔާވީ އައިޖީއެމްއެޗް ހޮސްޕިޓަލުގަ އެވެ.

އުމުރުން ގާތްގަނޑަކަށް 13 އަހަރުގައި މިއުޒިކްގެ ދާއިރާއަށް ނިކުތް މެޒޯ އެންމެ ބޮޑަށް ފާހަގަވެފައިވަނީ 'އުޑުން ތަރިތައް' އަދި 'ވިސްނާ ވިސްނާ' ފަދަ ލަވަތަކުންނެވެ.

އޭނާ ވަނީ ލަވަކިޔުމުގެ ދާއިރާއިން ގައުމީ އެވޯޑްވެސް ހޯދާފަ އެވެ.

މެޒޯގެ އަންހެން ދަރިފުޅު މީރާ އަކީ ރާއްޖޭގައި އެންމެ ފާހަގަކޮށްލެވޭ ލަވަކިޔުންތެރިއެކެވެ.

https://twitter.com/MMuizzu/status/1889658352046842018