ފަރުވާގެ ސެންޓަރުން ފިލި ދެ މީހަކު ޑްރަގާ އެކު ހައްޔަރުކޮށްފި

މަސްތުވާތަކެތީގެ ފަރުވާގެ ފުރުސަތު ދީފައިވަނިކޮށް ފަރުވާއަށް ފިލައިގެން އުޅުނު ދެ މީހަކު މަސްތުވާތަކެތީގެ މައްސަލައެއްގައި ހައްޔަރުކޮށްފި އެވެ.

Ads by STELCO

ކްރިމިނަލް ކޯޓުން މިރޭ ނެރުނު ބަންދު އަމުރުގައިވާ ގޮތުން އެ މައްސަލައިގައި ހައްޔަރުކުރީ މާލެއަށް ނިސްބަތްވާ 40 އަހަރުގެ ފިރިހެނަކާއި އައްޑޫ ސިޓީ ހިތަދޫއަށް ނިސްބަތްވާ 37 އަަހަރުގެ ފިރިހެނެކެވެ.

ހައްޔަރާއި ބަންދުގެ ރެކޯޑް އޮންނަ އެ ދެ މީހުން ފިލައިގެން އުޅުނީ ހުޅުމާލޭގައި ހުންނަ ފަރުވާގެ ސެންޓަރުންނެވެ.

އެ ދެ މީހުންގެ ބަންދަށް ވެސް ވަނީ 15 ދުވަސް ކްރިމިނަލް ކޯޓުން ޖަހައިދީފަ އެވެ.

މަސްތުވާތަކެތީގެ މައްސަލަ ރާއްޖޭގައި ވަރަށް ބޮޑެވެ. މިދިޔަ އަހަރު ރާއްޖޭގައި އެންމެ ގިނައިން ދައުވާ ކޮށްފައިވަނީވެސް މަސްތުވާތަކެތީގެ މައްސަލަތަކުގަ އެވެ.