ސީއެސްސީގެ ނައިބް ރައީސް އިސްތިއުފާ ދެއްވައިފި

ސިވިލް ސާވީސް ކޮމިޝަން (ސީއެސްސީ) ގެ ނައިބް ރައީސްގެ މަގާމުން އިބްރާހިމް ރަޝީދު މިއަދު އިސްތިއުފާ ދެއްވައިފި އެވެ.

Ads by STELCO

ރަޝީދު ސީއެސްސީގެ ނައިބް ރައީސްގެ މަގާމުން އިސްތިއުފާ ދެއްވިކަން އެ ކޮމިޝަނުން "އެކސް" ގައި ކުރި ޕޯސްޓަކުން ވަނީ ޔަގީންކޮށްދީފަ އެވެ.

އޭނާ ކުރެއްވި ހިދުމަތަށް ސީއެސްސީން ވަނީ ޝުކުރު އަދާކޮށްފަ އެވެ.

ސީއެސްސީގެ ނައިބް ރައީސްގެ މަގާމުން ރަޝީދު އިސްތިއުފާ ދެއްވާފައި މިވަނީ އޭނާ ވަކިކުރުމުގެ މަސައްކަތުގެ މަރުހަލާ ފެށުމަށް މަޖިލީހުގެ ތަޅުމަށް ފޮނުވަން މިނިވަން މުއައްސަސާތަކާ ބެހޭ ކޮމިޓީން އިއްޔެ ފާސްކޮށްފައި ވަނިކޮށެވެ.

އެކަމަކު އޭނާ ވަކިކުރުމުގެ މަަރުހަލާ ފަށަން ކޮމިޓީން ނިންމީ ސީދާ ކޮން މައްސަލައަކާ ގުޅިގެން ކަމެއް އަދި މިހާތަނަށް އެނގިފައެއް ނުވެ އެވެ.

ސީއެސްސީގެ ނައިބް ރައީސް ކަމަށް ރަޝީދު އައްޔަންކުރީ ސެޕްޓެމްބަރު 3، 2020 ގަ އެވެ.