ހުޅުމާލެ މުދާ ޖެޓީގައި އަޅާފައިވާ އުޅަނދުތައް ނަގަން އަންގައިފި

ހުޅުމާލޭގެ މުދާ ޖެޓީ ސަރަހައްދުގައި އަޅާފައިވާ އުޅަނދުތައް އެ ސަރަހައްދުން ނެގުމަށް އެޗްޑީސީން އަންގައިފިއެވެ.

އެ ކުންފުނިން ބުނީ، ހުޅުމާލޭގެ މުދާ ޖެޓީ ސަރަހައްދު ތަރައްގީކުރުމުގެ މަޝްރޫއު ފެށުމަށް ތައްޔާރުވަމުންދާ ކަމަށެވެ.

އެހެންކަމުން އެ މަޝްރޫއުގެ މަސައްކަތް ކުރިއަށްދާ އިރު އެ ސަރަހައްދުގައި އަޅާފައިވާ އުޅަނދުތަކުން ލިބިދާނެ ގެއްލުމަކުން ރައްކާތެރިވުމުގެ ގޮތުން އަންނަ ހޯމައިގެ ކުރިން އުޅަނދުތައް ނެގުމަށް އެޗްޑީސީން މިއަދު ކުރި އިއުލާނެއްގައިވަނީ އަންގައިފަ އެވެ.

https://twitter.com/hdcmaldives/status/1909877676720243007

އެޗްޑީސީން ބުނީ އެ މުއްދަތުގައި އެ އުޅަނދުތައް ނަގާފައި ނުވާނަމަ އުޅަނދުތަކަށް ލިބޭ ގެއްލުމުގެ ޒިންމާ ނުނަގާނެ ކަމަށެވެ.