ހދ. އަތޮޅުގައި މަސްތުވާތަކެތީގެ އޮޕަރޭޝަންއެއް ހިންގައި ފަސް މީހަކު ހައްޔަރުކޮށްފި
އަޕާ ނޯތު ޕޮލިހާއި ޑްރަގް އެންފޯސްމަންޓު އަދި ކައުންޓާ ނާކޮޓިކްސް އިންޓެލިޖެންސް ގުޅިގެން ހދ. ހަނިމާދޫއާއި ފިއްލަދޫގައި ހިންގި މަސްތުވާތަކެތީގެ އޮޕަރޭޝަންތަކެއްގައި ފަސް މީހަކު އިއްޔެ ހައްޔަރުކޮށްފިއެވެ.
އިއްޔެގެ އޮޕަރޭޝަންގެ ތެރެއިން ހަނިމާދޫން ހައްޔަރުކުރީ:
- ހދ. ހަނިމާދޫ / ލޭކޮކާ، އަބްދުލް އަޒީޒް ހަސަން (38އ)
- ކ. ގުރައިދޫ / ގުލްފާމުގެ، ޖައިލަމް މުހައްމަދު (21އ)
- ކ. ގުރައިދޫ / ނަލަވާ، ހުސައިން ޝާވިން (23އ) އެވެ.
އެ ތިން މީހުން ހައްޔަރުކޮށް ބަލައި ފާސްކުރިއިރު މަސްތުވާތަކެތި ކަމަށް ބެލެވޭ ތަކެތި އެކަކުގެ އަތުން ފެނިފައިވެއެވެ. އެ ތަކެތީގެ ވަގުތީ ބަރުދަނަކީ 18.6 ގުރާމެވެ.
އެ މައްސަލައިގައި ޖައިލަމް އާއި ޝާވިން ފަސް ދުވަހަށް ބަންދުކުރުމަށް އަދި އަބްދުލް އަޒީޒް 15 ދުވަހަށް ބަންދުކުރުމަށް ކޯޓުން ވަނީ މުއްދަތު ޖަހައިދީފަ އެވެ.
ފިއްލަދޫގައި ހިންގި މަސްތުވާތަކެތީގެ އޮޕަރޭޝަނުގައި ހައްޔަރުކޮށްފައިވަނީ:
- ހއ. ފިއްލަދޫ / ކެވެލި، އަހުމަދު ހަލީމް (34އ)
- ހއ. ފިއްލަދޫ / ޓާޓާގެ، މުޙައްމަދު ސޯދިގު (45އ)
މި ދެ މީހުން ހައްޔަރުކޮށް ބަލައި ފާސްކުރިއިރު މަސްތުވާތަކެތި ބޭނުންކުރަން ގެންގުޅޭކަމަށް ބެލެވޭ ތަކެތި ފެނިފައިވެއެވެ. އެ މައްސަލައިގައި ސަލީމް އާއި ސޯދިގު ހަތް ދުވަހަށް ބަންދުކުރަން ކޯޓުން ވަނީ މުއްދަތު ޖަހައިދީފަ އެވެ.
އެ ފަސް މީހުން ވެސް ހައްޔަރުކުރީ މަސްތުވާތަކެތި ބޭނުންކޮށް، ގެންގުޅެ އަދި މަސްތުވާތަކެތީގެ ވިޔަފާރިކުރާ ކަމަށް ތުހުމަތުކުރެވޭ މައްސަލައާ ގުޅިގެން ކަމަށް ފުލުހުން ބުންޏެވެ.
ފުލުހުން ބުނީ އެ މައްސަލަތަައް އިތުރަށް ތަހުގީގުކުރަމުންދާ ކަމަށެވެ.
