Tuesday, 17 November 2026
Advertisement
Allied Insurance (leaderboard)
ޚަބަރު

ލޯންޗަކުން ގެމަނަފުއްޓަށް ޑްރަގު އެތެރެކުރަން އުޅުނު ކެޕްޓަން ހައްޔަރުކޮށްފި

ލޯންޗަކުން ގެމަނަފުއްޓަށް ޑްރަގު އެތެރެކުރަން އުޅުނު ކެޕްޓަން ހައްޔަރުކޮށްފި

ގއ. ގެމަނަފުއްޓަށް ދަތުރުކުރި ލޯންޗަކުން މަސްތުވާތަކެތި އެތެރެކުރަން އުޅުނު މީހަކު ހައްޔަރުކޮށްފި އެވެ.

ފުލުހުން ބުނީ އެ މީހާ ހައްޔަރުކުރީ އެ ރަށަށް މަސްތުވާތަކެތި އެތެރެކުރަން އުޅޭ ކަމަށް ކައުންޓަ ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަނެއްގައި ކަމަށެވެ.

ގެމަނަފުށި ޕޮލިސް ސްޓޭޝަނާއި އިންޓެލިޖެންސް ގުޅިގެން އިއްޔެ ކުރިއަށް ގެންދިޔަ އެ އޮޕަރޭޝަނުގައި، ގެމަނަފުށި ބަނދަރާ ލޯންޗު ގާތްކުރުމުން އެ ލޯންޗު ބަލައި ފާސްކޮށްފައިވާ ފުލުހުން ބުންޏެވެ.

Advertisement
Ooredoo — Truecaller (box)

ފުލުހުން ބުނި ގޮތުގައި ލޯންޗުގައި ހުރި ފޮށިގަނޑެއްގެ ތެރެއިން މަސްތުވާތަކެތި ކަމަށް ބެލެވޭ އެއްޗެއް ހުރި ރަބަރު ޕެކެޓުތަކެއް ފެނިފައިވާ ކަމުގަ އެވެ. އެ ތަކެތީގެ ވަގުތީ ބަރުދަނުގައި 28 ގުރާމް ހުރިކަން ފާހަގަކުރި އެވެ.

މައްސަލަ އާ ގުޅިގެން ލޯންޗު ދުއްވި ގެމަނަފުށި، ބަނަފުސާގެ، ހަސަން ޝުޖާއު (45އ) ވަނީ ހައްޔަރުކޮށްފަ އެވެ. އޭނާގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން 10 ދުވަހަށް ބަންދު ކުރުމަށް އަމުރުކޮށްފައިވާ ކަމަށް ފުލުހުން ބުންޏެވެ.

ފުލުހުން ގެންދަނީ އެ މައްސަލަ ތަހުގީގު ކުރަމުންނެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.