ހުޅުމާލޭގައި ހިންގި މާރާމާރީއެއްގައި މީހެއްގެ ބޯފަޅާލައިފި

ހުޅުމާލޭގައި ރޭ މާރާމާރީ އެއް ހިންގައި މީހެއްގެ ބޯ ފަޅާލައިފި އެވެ.

މީޑިއާތަކަށް ރޭ ފޮނުވި މެސެޖެއްގައި ފުލުހުން ބުނީ، ފޭސް ދޭއްގެ އެޗް-11 ކައިރީ މާރާމާރީއެއް ހިންގި މައްސަލައެއް ރޭ 23:51 ހާއިރު ލިބިފައިވާ ކަމަށެވެ.

އެ މާރާމާރީ ގައި ދެ މީހަކަށް އަނިޔާވެފައިވާ ކަމަށް ފުލުހުން ބުންޏެވެ.

އެގޮތުން އެކެއްގެ ބޯ ފަޅައިގެން ގޮސް، އަދި ދެވަނަ މީހާގެ ބުރަކަށީގެ އެކި ތަންތަނުން ދުޅަވެ ދެ އަތުގެ އުޅަނބޮށި މަށައިގެން ގޮސްފައިވާ ކަމަށް ފުލުހުން ބުންޏެވެ.

އޭގެ އިތުރުން އެ މާރާމާރީ ހިންގި މީހުން ދެ ފޯނު ފޭރިގެންފައިވާ ކަމަށްވެސް ފުލުހުން ބުންޏެވެ.

ފުލުހުން ބުނީ، މާރަމާރީއާ ގުޅިގެން އަނިޔާލިބުނު މީހުންނަށް ހުޅުމާލޭ ހޮސްޕިޓަލުގައި ފަރުވާދެމުންދާ ކަމަށެވެ.

ފުލުހުން ގެންދަނީ އެ މައްސަލަ އިތުރަށް ތަހުގީގު ކުރަމުންނެވެ.