ސީ.އެޗު.އެސް.ސީން ޓީބީ ވޭދަނައެއް ފެނިއްޖެ، ދަރިވަރުންނާއި މުދައްރިސުން ޓެސްޓްކުރަނީ
ސެންޓަރ ފޯ ހަޔަރ އެޑިއުކޭޝަން ސެންޓަރ، ސީއެޗްއެސްސީން ޓީބީ ބަލީގެ ވޭދަނައެއް ފެނި އެ ސްކޫލުގެ ގުރޭޑު 12ގެ ހުރިހައި ކުދިން އެ ބައްޔަށް ޓެސްޓު ކުރަން ފަށައިިފިއެވެ.
މަޢުލޫމާތު ލިބޭ ގޮތުގައި އެ ގުރޭޑުގެ ކުދިންގެ އިތުރުން ހުރިހައި މުދައްރިސުން ވެސް އެ ބައްޔަށް ޓެސްޓު ކުރުމުގެ މަސައްކަތް މިހާރު އަންނަނީ ކުރަމުންނެވެ. މި ވޭދަނައާ ގުޅޭ އިތުރު މަޢުލޫމާތު އަދި އެއްވެސް މުއައްސަސާއަކުން ހާމަކޮށްފައެއް ނުވެއެވެ.
ރާއްޖެއިން ޓީބީ ބަލިން އެއްކޮށް ސަލާމަތްވުމަށް ކުރަމުން ގެންދާ މަސައްކަތަށް އެހީތެރިވުމުގެ ގޮތުން އިންޑިއާއިން ވަނީ ދާދި ފަހުން ރާއްޖެއަށް ޓީބީ ބޭސް ވެސް ހަދިޔާކޮށްފައެވެ.
ކޮމެންޓް