14 ފުޅި ބަނގުރަލާއެކު ޕިކަޕު ޑްރައިވަރެއް ހައްޔަރުކޮށްފި

14 ފުޅި ބަނގުރަލާއެކު ޕިކަޕު ޑްރައިވަރެއް ހައްޔަރުކޮށްފި އެވެ.

Ads by MPL

ލިބުނު މައުލޫމާތަކާ ގުޅިގެން ހުޅުމާލެ ފޭސް 1 ގެ ފުލުހުން މިއަދު ހިންގި އޮޕަރޭޝަނުގައި ހައްޔަރުކުރީ ތ. ގާދިއްފުށި / ނީލާއާކާސް، އަލީ މަނިކު (57އ) އެވެ.

އެގޮތުން ހުޅުމާލެ ފޭސް އެކެއްގެ ބޯގަންވިލާ މަގުން އޭނާ ދުއްވި ޕިކަޕު ހުއްޓުވައި ބަލައިފާސްކުރިއިރު 14 ފުޅި ބަނގުރާ ފެނުނު ކަމަށް ފުލުހުން ބުންޏެވެ.

އޭގެ އިތުރުން އޭނާ ލައިގެންހުރި އަންނައުނު ބަލައިފާސްކުރިއިރު މަސްތުވާތަކެތި ކަމަށް ބެލެވޭ އެއްޗެއްހުރި ރަބަރު ޕެކެޓެއް ވެސް ފެނުނު ކަމަށް ފުލުހުން ބުންޏެވެ.

ފުލުހުން ބުނީ އެ މައްސަލަ އިތުރަށް ތަހުގީގުކުރަމުންދާ ކަމަށެވެ.