މާލޭގެ މަގުތަކުން ފެން ހިންދަން ސިފައިން ނިކުމެއްޖެ
ބޯކޮށް ވާރޭވެހި މާލޭގެ މަގުތަކުގައި ފެންބޮޑުވެފައވާތީ ފެން ހިންދަން ސިފައިން ނިކުމެއްޖެ އެވެ.
ރާއްޖޭގެ އެކި ހިސާބުތަކަށް މިހަފްތާ މޫސުން ގޯސްވެ ބޯކޮށް ދަނީ ވާރޭ ވެހެމުން ނެވެ. އަދި މިއަދުވެސް ފަތިހާއި އަދި މެންދުރުން ފެށިގެން ދަނީ ވާރޭ ވެހެމުން ނެވެ.
އެމްއެންޑީއެފްއިން މިއަދު އެކްސްގައި ބުނީ ބޯކޮށް ވާރޭވެހި މާލޭގެ މަގުތަކުގައި ފެންބޮޑުވަމުން ދާތީ، ފެން ހިންދުމުގެ މަސައްކަތުގައި އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވަމުންދާ ކަމަށެވެ.
އެގޮތުން ފެން ހިންދުމަށް ޓަކައި މާލޭގެ ހަތް ސަރަހައްދެއްގައި ޕަންޕު ބަހައްޓައިގެން ސިފައިން މަސައްކަތްކުރަމުންދާ ކަމަށް ވެސް ބުންޏެވެ.
އޭގެ އިތުރުން ފެން ބޮޑުވެ ގެތަކަށް ފެންވަންނަމުންދާތީ ފެންހިންދުމާއި ވެލިބަސްތާ ޖެހުމުގައި އެމްއެންޑީއެފް މާލެ އޭރިއާ ކޮމާންޑުގެ ސިފައިން ހަރަކާތްތެރިވާން ފަށާފައިވާ ކަމަށް ވެސް އެމްއެންޑީއެފްއިން ބުންޏެވެ.
ރާއްޖޭގެ މޫސުމާ ބެހޭ އިދާރާ މެޓް އޮފީހުން ބުނި ގޮތުގައި މިއަދު ހަވީރު 6:30އާ ހަމައަށް ހއ.އިން ވ، އަތޮޅަށް ބޯކޮށް ވާރޭވެހި ގުގުރައި އަދި ވިލާގަނޑުގައި 40 މޭލަށް ވައިގަދަވާނެ އެވެ.
