ގަމަރުގިރި ކައިރީގައި އޮތް ދޯނީގައި ރޯވި އަލިފާން ނިއްވާލައިފި

ގަމަރުގިރި ކައިރީގައި އޮތް ދޯނީގައި ރޯވި އަލިފާން ނިއްވާލައިފިއެވެ.

Ads by STELCO

ފުލުހުންގެ ޚިދުމަތުން ބުނީ، މި ޙާދިސާގެ މަޢުލޫމާތު ލިބިފައި ވަނީ މިރޭ 19:10އެހާއިރު ކަމަށާއި ރޯވި އަލިފާން ނިއްވާލައިފައި ވަނީ ދޯނި އޮތް ހިސާބު ކައިރި ރިސޯޓެއްގެ މުވައްޒަފުންގެ އެހީތެރިކަމާ އެކު ކަމަށެވެ.

މި ޙާދިސާ ހިނގިއިރު ދޯނީގައި ތިން މީހުން ތިބި ކަމަށާއި އެއްވެސް މީހަކަށް އަނިޔާއެއް ލިބިފައި ނުވާ ކަމަށް ފުލުހުން ބުނެއެވެ. އެއީ ދިވެހި ކެޕްޓަންއަކާއި ބިދޭސީ ދެ ފަޅުވެރީން ކަމަށް ފުލުހުން މަޢުލޫމާތުދެއެވެ. އަދި ދޯންޏަށް ބޮޑު ގެއްލުމެއް ލިބިފައިނުވާ ކަމަށް ވެސް ފުލުހުން ބުނެއެވެ.

މި ޙާދިސާއާ ގުޅިގެން އިތުރަށް ބަލަންޖެހޭ ކަންކަން ބަލަމުންދާ ކަމަށް ފުލުހުން ބުނެފައިވެއެވެ.