ދަނޑުވެރިކަމުގެ ބޯހިމެނުން ފަށައިފި
ދިވެހިރާއްޖޭގެ ތާރީޚުގައި ފުރަތަމަ ފަހަރަށް ބާއްވާ ގައުމީ ދަނޑުވެރިކަމުގެ ބޯހިމެނުމުގެ އަމަލީ މަސައްކަތްތައް ރަސްމީކޮށް ފަށައިފިއެވެ.
ޤައުމީ ދަނޑުވެރިކަމުގެ ބޯހިމެނުމުގެ އަމަލީ މަސައްކަތްތައް ފަށައިފިއެވެ.
ވިޔަފާރި އުސޫލުން ފުޅާ ދާއިރާއެއްގައި ދަނޑުވެރިކަން ކުރާ ރަށްތަކަށް އަމާޒުކޮށްގެން ކުރިއަށްގެންދާ މި ހަރަކާތުގައި އެކި ރަށްރަށުން 39 މީހަކު އަމަލީ ގޮތުން ބައިވެރިވެއެވެ.
މި ބޮޑު މަސައްކަތަކީ ދަނޑުވެރިކަމާ ބެހޭ ވުޒާރާއާއި، މޯލްޑިވްސް ބިއުރޯ އޮފް ސްޓެޓިސްޓިކްސްގެ އިތުރުން އދ.ގެ ކާބޯތަކެއްޗާއި ދަނޑުވެރިކަމާ ބެހޭ ޖަމިއްޔާ (އެފްއޭއޯ) ގުޅިގެން ކުރިއަށްގެންދާ މަޝްރޫއެކެވެ. މިއީ ރާއްޖޭގެ ދަނޑުވެރިކަމުގެ ސިނާއަތުގެ ހަގީގީ ހާލަތު ދެނެގަތުމަށާއި، މި ދާއިރާގެ ތަފާސްހިސާބުތައް އެއްކުރުމަށް އެޅުނު މުހިންމު ފިޔަވަޅެކެވެ.
މި ބޯހިމެނުމުގެ މައިގަނޑު މަގުސަދަކީ ރާއްޖޭގެ ކާބޯތަކެތީގެ ރައްކާތެރިކަން ކަށަވަރުކުރުމުގައި ހުރި ގޮންޖެހުންތައް ދެނެގަތުމާއި، މި ދާއިރާއިން މިހާރު ހުރި ހުސްކަންކަން ފާހަގަކުރުމެވެ. މި ދިރާސާއިން އެއްކުރާ މައުލޫމާތުގެ އެހީގައި، ކުރިމަގުގައި ސަރުކާރުން އެކުލަވާލާ ސިޔާސަތުތައް ސީދާ ހެއްކާއި ތަފާސްހިސާބުގެ މައްޗަށް ބިނާކުރުމަށް މަގުފަހިވާނެއެވެ.
މީގެ އިތުރުން، ރާއްޖޭގައި ދަނޑުވެރިކަމުގެ އުފެއްދުންތެރިކަން އިތުރުކުރުމަށާއި، ތިމާވެއްޓާ ރައްޓެހި ދެމެހެއްޓެނިވި ގޮތެއްގައި މި މަސައްކަތް ފުޅާކުރުމަށް ބޭނުންވާ ފިޔަވަޅުތައް އެޅުމަށް ވެސް މި ހޯދުންތަކުގެ ބޭނުން ހިފާނެއެވެ.





ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.