Tuesday, 17 November 2026
Advertisement
STO — McCoy (leaderboard)
ޚަބަރު

 ޑީއާރުޕީގެ ދަރަނި ދައްކަން ކާނަލް ނަޝީދުގެ މައްޗަށް ހުކުމްކޮށްފި

 ޑީއާރުޕީގެ ދަރަނި ދައްކަން ކާނަލް ނަޝީދުގެ މައްޗަށް ހުކުމްކޮށްފި

އުވާލައިފައިވާ ޑީއާރުޕީގެ ހަތަރު މިލިއަން ރުފިޔާގެ ދަރަނި ދައްކަން މުހައްމަދު ނަޝީދު(ކާނަލް)ގެ މައްޗަށް ސިވިލް ކޯޓުން އިއްޔެ ހުކުމްކޮށްފިއެވެ.

ޑީއާރުޕީން ދައްކަން ޖެހޭ ފައިސާތަކެއް ނުލިބިގެން އެ ޕާޓީގެ މައްޗަށް ދައުވާކުރީ ކުޑަހުވަދޫ ދާއިރާގެ ކުރީގެ މެމްބަރު އަހުމަދު އާމިރުއެވެ. އެއީ އާމިރުގެ ދެ ކުންފުންޏަކުން ވީޑިއޯ އެޑިޓްކުރުން ފަދަ ހިދުމަތްތައް ޑީއާރުޕީއަށް ލިބެން ޖެހޭ ފައިސާއެވެ.

އާމިރުއަށް އެ ފައިސާ ދައްކަން ސިވިލްކޯޓުން ހުކުމްކޮށްފައި ވަނިކޮށް ޑީއާރުޕީ އޮތީ އުވާލައިފައެވެ. އެހެންވެ އެ ފައިސާގެ ތެރެއިން އެއްވެސް މިންވަރެއް މިހާތަނަށް ވެސް އޮތީ ނުދައްކައެވެ.

Advertisement
Allied Insurance — Square (box)

އެހެން ނަމަވެސް ސިޔާސީ ޕާޓީތަކުގެ ގަވައިދުގެ 29ވަނަ މާއްދާގެ ދަށުން ދަރަންޏަށް ޒިންމާވާން ޖެހޭނީ ދަރަނި އުފަންވިއިރު ޕާޓީގެ އެންމެ އިސް ފަރާތެއްގެ ގޮތުގައި ހުރި ފަރާތަށް ކަމަށް ދައުވާގައި އޮތީ ބުނެފައެވެ.

ސިވިލް ކޯޓުގެ ހުކުމްގައި ބުނެފައިވާ ގޮތުން އެ މައްސަލަ ނިންމީ ނަޝީދުގެ ޣައިރު ހާޒިރުގައެވެ. އަދި ހަތަރު މިލިއަން ރުފިޔާއަކީ ނަޝީދު އާމިރުއަށް ދައްކަން ޖެހޭ ފައިސާ ކަމަށް ވެސް ކޯޓުން ވަނީ ހުކުމްކޮށްފައެވެ.

އެ ފައިސާ ދައްކަން އާމިރުއަށް ދައްކަން ހުކުމްކުރީ އިއްޔެއިން ފެށިގެން 14 ދުވަސް ތެރޭގައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.