Saturday, 14 November 2026
Advertisement
Allied Insurance (leaderboard)
ޚަބަރު

މުޅި އަހަރުތެރޭ ހުށަހެޅޭ ގޮތަށް ސްޓޫޑެންޓް ލޯނަށް ހުޅުވާލަނީ

މުޅި އަހަރުތެރޭ ހުށަހެޅޭ ގޮތަށް ސްޓޫޑެންޓް ލޯނަށް ހުޅުވާލަނީ

ވަކި މުއްދަތެއް ނެތި މުޅި އަހަރުތެރޭގައި ސްޓޫޑެންޓް ލޯނަށް އެދި ހުށަހެޅޭ ގޮތަށް ބަދަލުކޮށްފިއެވެ.

ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ހަޔާ އެޑިއުކޭޝަން މިނިސްޓަރު ޑރ. އަލީ ހައިދަރު ވިދާޅުވީ ވަކި މުއްދަތެއްގެ ތެރޭގައި ސްޓޫޑެންޓް ލޯނަށް އެދި ހުށަހަޅަން ހުޅުވާލާތީ ދަރިވަރުންނަށް ގިނަ ދަތިތަކަކާ ކުރިމަތިލާން ޖެހޭ ކަމަށެވެ.

އެހެންކަމުން މިއަހަރު ލޯނު ސްކީމަށް ހުޅުވާލާއިރު މުހިންމު ބަދަލުތަކެއް ގެންނަން ނިންމާފައިވާ ކަމަށާއި، އޭގެ ތެރޭގައި ހުށަހަޅަން ޖެހޭ ލިޔުންތަކަށް ވެސް ބަދަލު އަންނާނެ ކަން މިނިސްޓަރު ފާހަގަކުރެއްވިއެވެ.

Advertisement
Ooredoo — Truecaller (box)

"މިފަހަރު ލޯނަށް ހުޅުވާލާއިރު އެޕްލިކޭޝަން ޑެޑްލައިނެއް ނުބާއްވާ ލޯނަށް އެދުމުގެ ފުރުސަތު މުޅި އަހަރަށް ހުޅުވާލެވިފައި އޮންނާނެ،" ހައިދަރު ވިދާޅުވިއެވެ.

އޭނާ ވިދާޅުވީ މިހާތަނަށް ވަކި މުއްދަތެއް އޮންނާތީ ދަރިވަރުންނަށް ލޯނަށް އެދުމުގެ ފުރުސަތު ގެއްލޭ ކަމަށެވެ. އެހެންކަމުން މި ބަދަލާ އެކު ލޯނަށް އެދުމަށް ފަސޭހަވެގެން ދާނެ ކަމަށާއި، ލިޔެކިޔުން ހަމަޔަށް ހުށަހަޅާ ދަރިވަރުންނަށް ލޯނު ދޫކުރުން އަވަސް ވެގެން ދާނެކަން ވެސް ފާހަގަކުރެއްވިއެވެ.

މިނިސްޓަރު ހައިދަރު ވިދާޅުވީ ލޯނަށް އެދުމުގެ ފުރުސަތު ހުޅުވާލާނީ ރޯދަމަހުގެ ފަހު 10އަށް ލިބޭ ޗުއްޓީއަށް ފަހު ދެން ސަރުކާރު ހުޅުވޭ ހަފްތާތެރޭގައި ކަމަށެވެ.

ސްޓޫޑެންޓް ލޯނު މިހާރު ދޫކުރަން ނިންމާފައި ވަނީ ޝަރީއާ ކޮމްޕްލަޔަންޓް އުސޫލުންނެވެ. އެހެންކަމުން ލޯނާއެކު ހިމަނާފައިވާ 1 ޕަސެންޓްގެ އިދާރީ އެއްކޮށް ވަނީ އުނިކޮށްފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.