ސްވިޗާއި ދޮރުގެ ތަޅު ފަދަ ތަންތަނުން ކޮރޯނާ ވައިރަސް ނުފެތުރޭ: ދިރާސާ
ސްވިޗު ބޯޑުތަކާއި ތަޅު ފަދަ އާންމުކޮށް މީހުން އަތްލާ އުޅޭ ތަންތަނުން ކޮރޯނާ ވައިރަސް ނުފެތުރޭ ކަމަށް ދިރާސާއަކުން ދައްކައިފިއެވެ.
ޔުނިވާސިޓީ އޮފް ކެލިފޯނިއާގެ މެޑިކަލް ޕްރޮފެސަރެއް ކަމަށްވާ މޮނިކާ ގާންދީ ވިދާޅުވިގޮތުގައި މިފަދަ އާންމުކޮށް މީހުން އަތްލުމުން، ވައިރަސް ހަރުލާ ހުންނަ ފަދަ ސާފޭސް ތަކުން ވައިރަސް ފެތުރުމުގެ ފުރުސަތު އެއްވެސް ވަރަކަށް ނޯންނަ ކަމަށެވެ.
އެގޮތުން މިފަދަ ތަންތަނުގައި ހޭކިފައި ހުންނަ ވައިރަސް އިން މީހާއަށް ބަލި ޖެއްސުމުގެ ބާރު ލިބިފައި ނުވާ ކަން މޯނިކާ ފާހަގަ ކުރެއްވިއެވެ.
މި ދިރާސާއާއެކު ވައިރަސް ފެތުރުން ކޮންޓްރޯލް ކުރުމަށްޓަކައި އަތް ދޮވުމާއި މޫނުގައި އަތް ލުމަށްވުރެ، މާސްކު އަޅައި ގައިދުރުކަން އިސްކުރުން މުހިންމު ކަން ހާމަވެގެންދާ ކަމަށް ރިޕޯޓުތައް ބުނެއެވެ.
ކޮވިޑް-19 ދުނިޔޭގައި ފުރަތަމަ ފެށުނު ދުވަސްކޮޅު މިފަދަ ގޮތްގޮތަށް ވައިރަސް ފެތުރޭ ކަމަށް ގިނަ ބަޔަކު ވިސްނިއެވެ. އަދި ސިއްހީ މާހިރުން ވެސް ވަނީ މިކަމަށް ސަމާލުވެ، ގިނަ ގިނައިން އަތް ދޮވެ، މޫނުގައި އަތްލުން މަދުކުރުމަށް އިރުޝާދު ދީފައެވެ.
