ކުޑަ ކުއްޖަކަށް ޖިިންސީ ފުރައްސާރަ ކުރިކަމުގެ ތުހުމަތުގައި ފޮނަދޫން ހައްޔަރުކުރި މީހާގެ ބަންދަށް 15 ދުވަސް
ކުޑަކުއްޖަކަށް ޖިންސީ ފުރައްސާރަ ކުރިކަމުގެ ތުހުމަތުގައި ލ. ފޮނަދޫން ހައްޔަރުކުރި މީހާގެ ބަންދަށް 15 ދުވަސް ޖަހައިފިއެވެ.
ފުލުހުންގެ މީޑިއާ އޮފިޝަލަކު ވިދާޅުވީ ސައުތު ސެންޓްރަލް ޕޮލިސް ޑިވިޝަން (ތ. ލ) ހިމެނޭ އަތޮޅުގެ ރަށެއްގައި، އެކި ދުވަސް މަތިން 14 އަހަރުގެ އަންހެން ކުއްޖަކު ގްރޫމްކޮށް ޖިންސީ ޢަމަލު ހިންގުމަށް ހިތްވަރުދީ، ޖިންސީ ގުޅުން ހިންގަން އުޅުނުކަމުގެ ކަމުގެ މައްސަލައެއް 30 ސެޕްޓެމްބަރ 2020 ވަނަ ދުވަހު ފުލުހުންނަަށް ހުށަހަޅާފައިވާ ކަމަށެވެ.
މިމައްސަލައާއި ގުޅިގެން ކޯޓު އަމުރެއްގެ ދަށުން 5 އޮކްޓޯވަރ 2020 ވަނަ ދުވަހު 35 އަހަރުގެ ދިވެހި ފިރިހެނަކު ހައްޔަރު ކޮށްފައިވާ ކަމަށް ވެސް ފުލުހުން ވިދާޅުވިއެވެ.
ފުލުހުން ވިދާޅުވީ މިމައްސަލައާއި ގުޅިގެން ހައްޔަރުކުރި މީހާގެ ބަންދާއިމެދު ގޮތެއް ނިންމުމަށް ކޯޓަށް ހާޒިރުކުރުމުން، މިނިސްޓްރީ އޮފް ހޯމް އެފެއާޒުން ކަނޑައަޅާ ތަނެއްގައި ބަންދުގައި ބެހެއްޓުމަށް 15 ދުވަހުގެ މުއްދަތެއް ދީފައިވާ ކަމަށެވެ.
މިމައްސަލަ ފުލުހުން ދަނީ ތަހުގީގު ކުރަމުންނެވެ.
