Tuesday, 17 November 2026
Advertisement
HDC — Share-Below (leaderboard)
ސިޔާސީ

އިދިކޮޅު ތިން ރައީސުންގެ ބައްދަލުވުމަކީ އަމިއްލަ އެދުމުގެ އިންތިހާ: އަބްދުއްރަހީމް

އިދިކޮޅު ތިން ރައީސުންގެ ބައްދަލުވުމަކީ އަމިއްލަ އެދުމުގެ އިންތިހާ: އަބްދުއްރަހީމް

ނޫސްވެރިކަމުގެ މިނިވަންކަން ދިފާއުކުރުމުގެ ނަމުގައި ރާއްޖޭގެ ކުރީގެ ތިން ރައީސުން ކަމަށްވާ އަބްދުﷲ ޔާމީނާއި، މުޙައްމަދު ނަޝީދުގެ އިތުރުން އިބްރާހީމް މުޙައްމަދު ޞާލިޙް ބޭއްވެވި ބައްދަލުވުމަށް ފާޑުވިދާޅުވެ، އެ ބޭފުޅުން ޤައުމަށް ދެއްވާފައިވާ ބޮޑެތި ގެއްލުންތައް ހަނދާންނައްތަވާލައްވައި ގުޅިވަޑައިގަތުމަކީ އަމިއްލަ އެދުން ބޮޑުކަމުގެ އިންތިހާ ކަމަށް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ސިފަކުރައްވައިފިއެވެ.

މީސްމީޑިއާގެ މަންސައެއް ކަމަށްވާ 'އެކްސް' ގައި އެ ތިން ބޭފުޅުންގެ ފޮޓޯއަކާ އެކު އާންމުކުރެއްވި ޕޯސްޓެއްގައި އަބްދުއްރަހީމް ވަނީ، އެކިއެކި ވެރިކަންތަކުގައި ހިނގާފައިވާ ބޮޑެތި ގޯސްތަކުގެ ދިގު ލިސްޓެއް ހިއްސާކުރައްވާފައެވެ. އެގޮތުން، އެ ލިސްޓުގައި ހިމެނޭ ކަންކަމަކީ މިހާރު އެ ބޭފުޅުންނަށް މައްސަލައަކަށް ނުވާކަން ފާހަގަކުރައްވައި، ކުރިން ދެއްކެވި ހުރިހާ ވާހަކަތަކެއް މުޅިން ބަދަލުވެއްޖެކަމަށް އޭނާ ވިދާޅުވިއެވެ.

އަބްދުއްރަހީމް ފާހަގަކުރެއްވި މައްސަލަތަކުގެ ތެރޭގައި ރައީސް ނަޝީދުގެ ވެރިކަމުގައި ހިންގި ވައިގެ ބަނދަރު ވިއްކާލުމާއި، ދިރާގު އަދި ފެން ކުންފުނީގެ ހިއްސާ ވިއްކާލުމުގެ އިތުރުން ސުޕްރީމް ކޯޓުގައި ތަޅުއެޅުވުމާއި ފަނޑިޔާރު އަބްދުﷲ މުޙައްމަދު ހައްޔަރުކުރުން ހިމެނެއެވެ. ހަމައެހެންމެ، ރައީސް ޔާމީންގެ ވެރިކަމުގައި ހިންގި އެމްއެމްޕީއާރުސީގެ ތާރީޚީ ބޮޑު ޚިޔާނާތާއި ސިޔާސީ އެތައް ލީޑަރުންނަކާއި ފަނޑިޔާރުންނެއް ޖަލަށްލުން ވެސް އެ ލިސްޓުގައި ހިމަނާފައިވެއެވެ.

Advertisement
Ooredoo — Truecaller (box)

https://twitter.com/Banafsaa/status/2055357528968733024

މީގެ އިތުރުން، ދާދިފަހުން ނިމިދިޔަ ރައީސް ޞާލިޙްގެ ސަރުކާރުގައި ހިނގާދިޔަ ކަންކަމަށް ވެސް އަބްދުއްރަހީމް ވަނީ އަލިއަޅުވާލައްވާފައެވެ. އެގޮތުން ރާއްޖޭގެ ކަނޑުގެ ސަރަހައްދުން ބައެއް ދޫކޮށްލުމާއި، ކޯވިޑް-19 ގެ ދުވަސްވަރު ހިންގި ވެންޓިލޭޓަރުގެ ވައްކަމާއި، އިސްލާމްދީނާ ޚިލާފު ވާހަކަތަކެއް ހިމެނޭ އެމްޑީއެންގެ ރިޕޯޓުގެ މައްސަލަ އޭނާ ވަނީ ފާހަގަކުރައްވާފައެވެ. މި ހުރިހާ ކަމެއް ހިނގާދިޔަ ނަމަވެސް، މިއަދު އެ ބޭފުޅުން އެއްތަންވެވަޑައިގަތުމަކީ އަމިއްލަ އެދުން ފިޔަވައި އެހެން އެއްވެސް ކަމެއް ނޫންކަމަށް މަޖިލީހުގެ ރައީސް ވަނީ ތުހުމަތުކުރައްވާފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.