ފޮޓޯއިން މިފެންނަނީ ކާކުކަން އެނގޭތަ؟
ކޮންމެ މީހެއްގެވެސް ކުޑައިރުގެ ފޮޓޯއާއި މިހާރުގެ ފޮޓޯ އަޅާ ބަލާއިރުގައި ވަރަށް ބޮޑު ފަރަޤެއް ފާހަގަ ވެގެން ދެއެވެ. އެގޮތުން ފޮޓޯއިން ތިފެންނަނީ ކާކުގެ ފޮޓޯއެއްކަން އެނގޭހެއްޔެވެ؟
އިންޑިއާގެ ޗެނަލެއް ކަމަށްވާ ސޮނީ އިން ގެނެސްދޭ، ދިވެހިން ހިމެނޭހެން ގިނަބައެއްގެ މަޤުބޫލުކަން ހޯދާފައިވާ ރިއަލިޓީ ޝޯ ކަމަށްވާ "ދަ ކަޕިލް ޝަރްމާ ޝޯ" ގައި ހޮސްޓެއްގެ ގޮތުގައ މަސައްކަތް ކުރާ ކަޕިލް ޝަރުމާއެވެ.
މިހާރު ކަޕިލް ހުންނަގޮތާއި، މި ފޮޓޯއިން ފެންނަ ގޮތް ވަރަށް ވެސް ތަފާތެވެ. މި ފޮޓޯއިން ތިޔަ ފެންނަނީ ކަޕިލް ޝަރުމާގެ ކޮލެޖުގެ ދައުރުގައި ނަގާފައިވާ ފޮޓޯއެކެވެ. މި ފޮޓޯ ސޯޝަލް މީޑިއާގައި އާންމު ކުރިހިސާބުން ގިނަ ބައެއްގެ ސަމާލުކަން ވަނި މިފޮޓޯއަށް ލިބިފައެވެ.
ދާދިފަހުން ކަޕިލް ޝަރުމާ ވަނީ އޭނަގެ ޒުވާން ދުވަސްވަރުގެ ފޮޓޯތަކެއް އިންސްޓަގްރާމްގައި އާންމު ކޮށްފައެވެ. ކަޕިލް ޝަރުމާއަކީ އޭނަގެ ކިބައިގައި ވާ މީހުން ހެއްވުމުގެ ހުނަރުން ގިނަ ބައެއްގެ މަގުބޫލުކަމާއި، އެތައް ބައެއްގެ ލޯބި ހޯދާފައިވާ ފަންނާނެކެވެ.
މިހާރުވެސް ސޮނީ ޗެނަލް އިން އަންނަ ކަޕިލް ގެ ޝޯއަކީ އެތައް ލައްކަ ބައެއް ބަލަމުން އަންނަ ޝޯއެކެވެ. ކަޕިލް މަޝްހޫރު ވެފައި ވަނިވެސް ހަމަ މިޝޯގެ ސަބަބުންނެވެ. އަދި އޭނަގެ އެ ޝޯ ބަލައިފި މީހަކު ނަމަ ނުހީ ނުހުންނާނެ ކަން ގައިމެވެ.
Ads by STO
