އެމްއޭސީއެލް އާއި އޭއައިއޭގެ ބޯޑަށް އައު މެންބަރުންތަކެއް އައްޔަންކޮށްފި
މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އާއި އައްޑޫ އިންޓަނޭޝަނަލް އެއާޕޯޓް (އޭއައިއޭ)ގެ ޑިރެކްޓަރުންގެ ބޯޑަށް އައު ދެ މެންބަރުން އައްޔަންކުރައްވައިފިއެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)އިން ރާއްޖޭގެ މައި އެއާޕޯޓު ހިންގާ ކުންފުނި، އެމްއޭސީއެލްގެ ބޯޑުގެ ޑިރެކްޓަރުކަމުގެ މަގާމަށް އައްޔަންކުރައްވާފައި ވަނީ ސ. ހުޅުދޫ، ރިވަރސައިޑު، އަޙްމަދު ނާޞިފެވެ.
މީގެ އިތުރުން ދެކުނުގެ މައި ވައިގެ ބަނދަރު ހިންގާ އައްޑޫ އިންޓަރނޭޝަނަލް އެއަރޕޯޓް ޕްރައިވެޓް ލިމިޓެޑްގެ ބޯޑުގެ ޑިރެކްޓަރުކަމުގެ މަގާމަށް ހަމަޖައްސަވާފައި ވަނީ ސ. ހިތަދޫ، ވެލްކަމްވިލާ، ޝެރީނާ ޞާލިޙެވެ.
ޕީސީބީން މައުލޫމާތު ދީފައިވާ ގޮތުގައި، ކުންފުނިތަކުގެ ހިންގުން ހަރުދަނާކުރުމުގެ ގޮތުން ގެނެވުނު މި ބަދަލާއެކު، އަލަށް އައްޔަންކުރެއްވި ދެ ބޭފުޅުން ވެސް އެ ބޭފުޅުންގެ މަގާމުގެ މަސްއޫލިއްޔަތުތަކާ ވަނީ ރަސްމީކޮށް ހަވާލުވެވަޑައިގެންފައެވެ.
