އަލުވި ތޮށިން އިސްތަށިގަނޑަށް އެތައް ފައިދާތަކެއް
ބައެއް މީހުނަކީ އުމުރުން ދޮށީވި ނަމަވެސް ބޮލުގައި ނުރަ ބަހައްޓަން ބޭނުން ނުވާ މީހުންނެވެ. އެފަދަ މީހުން އިސްތަށިގަނޑު ކަޅު ކުރާ ޝޭމްޕޫ ވެސް ބޭނުން ކުރެއެވެ. އެހެން ނަމަވެސް ޝޭމްޕޫގެ ބަދަލުގައި އެކަމަށްޓަކައި ބޭނުން ކުރެވިދާނެ އެހެން ބައެއް އެއްޗިހި އެބަހުއްޓެވެ.
މި ބަލާލަނީ އަލުވިން އިސްތަށިގަނޑަށް ލިބޭ ފައިދާ ތަކަށެވެ.
އަލުވީގައި އެކުލެވޭ މާއްދާއެއް ކަމަށްވާ "ކެތެކޮލް އޮކްސައިޑް" ގެ ސަބަބުން އިސްތަށިގަނޑު ކަޅުކޮށްދެއެވެ. އަދި އިސްތަށިގަނޑު ކަޅުކޮށްދިނުމުގެ އިތުރުން ހަންގަނޑުގެ ކުލަ ވެސް އެއްވަރެއްގައި ހިފަހައްޓައި ދިނުމަށް އަލުވި ތޮށި ބޮޑު އެހީއެއް ވެދެއެވެ.
އަލުވި ތޮށި ބޭނުން ކޮށްގެން ނުރަ ފޮރުވުމޭ ބުނީމަ ބައެއް ބޭފުޅުންނަށް މަޖާ ވެދާނެއެވެ. އެހެންނަމަވެސް މިއީ ހަމަ އަލުވި ތޮށިން ލިބޭ ފައިދާ އެކެވެ.
ތައްޔާތު ކުރުމަށްޓަކައި، އެންމެ ފުރަތަމަ ބޭނުންވާ ވަރަށް އަލުވި 20 މިނެޓު ވަންދެން ފެނުކައްކާލާށެވެ. އެއަށް ފަހު ފެނު ކެއްކުނު އަލުވި ތަކުގެ ތޮށިތައް ވަކިކޮށްލާށެވެ. އެ ތޮށިތައް ރަނގަޅަށް ފުނޑާލުމަށްފަހު އޭގެ ދިޔަތައް ފުރާނާލާށެވެ. ތޮށި ފުނޑާލާއިރުގައި ފެނު ކެއްކި އަލުވިތައް ވެސް ލައިގެން ފުނޑާލާށެވެ. އެއަށްފަހު އެ ފުނޑާލެވިފައިވާ އަލުވިތައް އިސްތަށިގަނޑުގައި ރަނގަޅަށް އުނގުޅާލާށެވެ.
15 މިނެޓުވަންދެން ބޮލުގެ އިސްތަށިގަނޑުގައި އެ އަލުވިތައް ބެހެއްޓުމަށްފަހު އާދައިގެ ފެން ފޮދަކުން އިސްތަށިގަނޑު ދޮވެލާށެވެ. އެއަށްފަހު ޝޭމްޕޫ އަދި ކޮންޑިޝްނާ ލައިގެން ރަނގަޅަށް ބޯ ދޮވެލާށެވެ. އިސްތަށިގަނޑުން ވަސް ވެސް ފިލާނެއެވެ. އަދި ބޮލުގައި ހުރި ނުރަތައް ވެސް ގެއްލޭނެއެވެ.
އެހެންކަމުން ކެމިކަލްތައް އެކުލެވޭ އެކި ކަހަލަ ޝޭމްޕޫތައް ބޭނުންކުރުމުގެ ކުރިން މި ގޮތުގެ އަޖުމަ ބަލާލުމަކީ ރަނގަޅު ގޮތެކެވެ. ހަމަގައިމުވެސް ގެއްލުމެއް ނުލިބޭނެއެވެ. ސި
Ads by STO
