Saturday, 14 November 2026
Advertisement
HDC — Share-Below (leaderboard)
ޚަބަރު

އުސޫލާ ޚިލާފަށް ކުނި ވަކިނުކޮށް ތިލަފުއްޓަށް ގެންދާނަމަ ބަލައެއް ނުގަންނާނެ: ވެމްކޯ

އުސޫލާ ޚިލާފަށް ކުނި ވަކިނުކޮށް ތިލަފުއްޓަށް ގެންދާނަމަ ބަލައެއް ނުގަންނާނެ: ވެމްކޯ

ތިލަފުށީގައި އަލިފާނުގެ ހާދިސާތައް ހިނގަން މެދުވެރިވާތީ، ކަނޑައެޅިފައިވާ އުސޫލާ އެއްގޮތަށް ބާވަތްތައް ވަކިނުކޮށް ތިލަފުއްޓަށް ގެންދާ ކުނި މިއަދުން ފެށިގެން ބަލައިނުގަތުމަށް ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން ނިންމައިފިއެވެ.

ތިލަފުށީ ރީޖަނަލް ވޭސްޓް މެނޭޖްމަންޓް ފެސިލިޓީގެ މަސައްކަތްތަކާ ގުޅޭގޮތުން އެ ކުންފުނިން މިއަދު ނެރުނު ބަޔާނެއްގައި ފާހަގަކޮށްފައިވާ ގޮތުގައި، ކުނި ގެންދަން ޖެހޭނީ މައިގަނޑު ތިން ބަޔަކަށް ގިންތިކުރެވިގެންނެވެ. އޭގެ ތެރޭގައި ހިމެނެނީ އިމާރާތްކުރުމުގެ ދާއިރާއިން އުފެދޭ ގާކުންޏާއި، ބޮޑެތި ކުނީގެ އިތުރުން އެހެނިހެން އާންމު ކުންޏެވެ. ވަކިން ޚާއްސަކޮށް، އިމާރާތްކުރުމުގެ ތެރެއިން އުފެދޭ ކުނި އެހެން ބާވަތްތަކާ އެއްނުވާނެހެން ވަކިކުރުމަށް ވެމްކޯއިން ވަނީ އާންމުންނަށް ވަރަށް ބޮޑަށް އިލްތިމާސްކޮށްފައެވެ.

<img class="alignnone size-medium wp-image-326706" src="https://cdn.dhen.mv/wp-content/uploads/2026/08/WAMCO-news-bayaan-212x300.jpeg" alt="" width="212" height="300" />

Advertisement
Allied — Dhen Online (box)

އެ ކުންފުނިން ހާމަކުރި ގޮތުގައި، ގަވާއިދާ ޚިލާފަށް ކުނި އެއްކޮށްގެން ގެންދިއުމަކީ ތިލަފުށީގައި ދޭތެރެދޭތެރެއިން ހިނގާ ނުރައްކާތެރި އަލިފާނުގެ ހާދިސާތަކުގެ މައިގަނޑު އެއް ސަބަބެވެ. މީގެ އިތުރުން، އެއީ މުވައްޒަފުންގެ ފުރާނައާއި ކުންފުނީގެ މުދަލުގެ ސަލާމަތަށް ވެސް އޮތް ބޮޑު ނުރައްކަލެއްކަމަށް ބަޔާނުގައި ވެއެވެ. އުސޫލުތައް މިހެން ކަނޑައަޅާފައި އޮތް ނަމަވެސް، ގިނަ ބަޔަކު މިހާރު ވެސް ކުނި ގެންދަނީ އެކި ބާވަތްތައް އެއްކޮށްގެންކަން ވެމްކޯއިން ފާހަގަކުރިއެވެ.

ދެމެހެއްޓެނިވި ގޮތެއްގައި ކުނި މެނޭޖުކުރުމުގެ މަސައްކަތް ކުރިއަށް ގެންދިއުމަށްޓަކައި، މީގެ ފަހުން ކުނި ވަކިކޮށްފައި ނުހުންނަ އުޅަނދުތަކަށް ޚިދުމަތް ނުދީ، ކުނިތައް ވަކިކުރުމަށްޓަކައި އެ އުޅަނދެއް އަނބުރާ ފޮނުވާލެވޭނެއެވެ. އަދި މިފަދަ އުޅަނދުތަކުގެ މައުލޫމާތު ކަމާބެހޭ އިދާރާތަކަށް ހުށަހަޅައި ފިޔަވަޅު އަޅާނެކަމުގެ އިންޒާރު ދިނުމާ އެކު، އުޅަނދުތަކަށް ކުނި އެރުވުމުގައި އަމަލުކުރަންޖެހޭ ރަނގަޅު ގޮތުގެ މައުލޫމާތު ވެސް ވެމްކޯއިން ވަނީ އާންމުކޮށްފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.