އަދުރޭގެ އާދޭސް: އަޅުގަނޑު ޖަލަށްލާ، އެއީ ލިބޭނެ ފަޚުރެއް
މިއަދުގެ ސަރުކާރުން ، ޕީއެންސީގެ ރައީސް ޢަބުދުއްރަޙީމް ޢަބުދުﷲ (އަދުރޭ) ޖަލަށް ލުމަކީ ލިބޭނެ ފަޚުރެއްކަމަށާއި، އެއީ މިގައުމަށްޓަކައި ކުރެވޭ ޖިހާދެއް ކަމަށް އެމަނިކުފާނު ވިދާޅުވެއްޖެ އެވެ.
މިއަދު ޕީޕީއެމް އޮފީހުގައި ބޭއްވި ޖަލްސާގައި ވާހަކަފުޅު ދައްކަވަމުން އަދުރޭ ވިދާޅުވެފައި ވަނީ “އިންޑިއާ އައުޓް” ނަމުގައި އިދިކޮޅުން ހިންގާ ހަރަކާތަކީ މިއަދު ރާއްޖޭގައި އެންމެ ބާރަށް ހިނގާ ހަރަކާތްކަމަށާއި، ދިވެހި ރައްޔިތުން އިންޑިއާ ބޭރުކުރަން ބޭނުންވި ނަމަވެސް ރައީސް އިބްރާހިމް މުހައްމަދު ޞާލިހަށް އެކަން ނުވާނެ ކަމަށެވެ.
މީގެއިތުރުން އަދުރޭ ވިދާޅުވެފައި ވަނީ، ބިރު ގަންނަނީ އިންޑިއާ މީހުން އައިސް ދިވެހިން މަރާފާނެތީ ނޫން ކަމަށާއި، މި ރާއްޖޭން އިސްލާމްދީން ނެތިގެން ހިނގައިދާނެކަމަށް ޓަކައި ކަމަށެވެ. އަދި ރައީސް ސޯލިހާއި ރައީސް ނަޝީދާއި ދެބޭފުޅުން ވެގެން ކުރާ ދައުވާތަކަށް އޭނާ ޖަލަށް ލައިފާނެ ކަމަށް އެއްވެސް ބިރެއް ނުގަންނަ ކަމަށެވެ.
އެމްއެމްޕީއާރުސީގެ ހިޔާނާތުގެ މައްސަލާގައި ރައީސް އިބްރާހިމް ޞާލިހު ހައްޔަރު ނުކުރި ނަމަވެސް ގައުމަށް ޤައްދާރުވެ، ގައުމަށް ޚިޔާނާތްތެރިވީ މައްސަލާގައި ހައްޔަރު ކުރާނެކަމަށާއި މިކަމުގައި އެއްވެސް މަޢާފެއް ނޯންނާނެ ކަމަށް ވެސް އަދުރޭ ވަނީ ވިދާޅުވެފައެވެ.
