ކަޅު ބާޒާރުގައި ޑޮލަރުގެ ވިޔަފާރިކުރާ ނަމަ ރިޕޯޓުކުރަން އެދިއްޖެ
ޤަވާއިދާ ޚިލާފަށް ޑޮލަރުގެ ވިޔަފާރިކުރާ ނަމަ ރިޕޯޓުކުރަން އެދިއްޖެއެވެ.
ފުލުހުންގެ ޚިދުމަތުން ބުނީ، މޯލްޑިވްސް މަނިޓަރީ އޮތޯރިޓީން ދޫކުރާ މަނީ އެކްސްޗޭންޖް ވިޔަފާރި ހިންގުމުގެ ލައިސަންސް ނެތި، ޤާނޫނާ ޚިލާފަށް ވިޔަފާރި އުސޫލުން ބޭރު ފައިސާ މާރުކުރުމުގެ އަމަލުތައް ހިންގާ ފަރާތްތަކާ ބެހޭ މައުލޫމާތު، މިފަދަ މައްސަލަތައް ތަހުގީގު ކުރުމަށް އެކުލަވާލާފައިވާ ޓާސްކްފޯސްއާ ހިއްސާކުރުމަށް އާންމުންގެ ކިބައިން އެދޭކަމަށެވެ.
މިފަދަ ފަރާތްތަކާ ގުޅޭ މައުލޫމާތު ހިއްސާކުރައްވަން ބޭނުންފުޅުވާ ފަރާތްތަކުން، ޓާސްކްފޯސްގެ އޮޕަރޭޝަންސް ނަންބަރު 9388733އަށް މެސެޖުކުރެއްވުމަށާއި މި ނަންބަރަށް އެސްއެމްއެސްގެ އިތުރުން ވައިބަރ، ވަޓްސްއެޕް އަދި ޓެލެގްރާމް ފަދަ މެސެޖިންގ އެޕްލިކޭޝަންތައް މެދުވެރިކޮށް ވެސް މައުލޫމާތު ހިއްސާކުރެއްވޭނެ ކަމަށް ފުލުހުން ބުނެއެވެ.
މި ނަންބަރަށް މެސެޖުކޮށް މައުލޫމާތު ހިއްސާކުރައްވާ ފަރާތްތަކުގެ ވަނަވަރާއި މައުލޫމާތުތައް ފުރިހަމައަށް ރައްކާތެރިކޮށްދެވޭނެކަމުގެ ޔަގީންކަން އަރުވާ ކަމަށާއި މިގޮތަށް މައުލޫމާތު ދެއްވާ ފަރާތްތަކުން، މައްސަލައިގެ ތަހުގީގީ އެއްވެސް އިޖުރާއަތެއްގައި ބައިވެރިވާން ނުޖެހޭނެކަމުގައި ވެސް ފުލުހުން މައުލޫމާތުދެއެވެ.
ފުލުހުން ވަނީ މިފަދަ ކަންކަމުގައި ރައްޔިތުންގެ ފަރާތުން ލިބޭ އެއްބާރުލުން މި ފުރުސަތުގައި ފާހަގަކޮށް ޝުކުރު ދަންނަވާފައެވެ.
މަނީ އެކސްޗޭންޖް ލައިސަންސް އޮވެ، ހަމައެކަނި އެހެންމިހުންއަތުން ޑޮލަރުގަނެ، އަދި ނުވިއްކާ މިހުނާދޭތެރޭ އަޅާނެ ފިޔަވަޅެއް ނެތްދޯ؟ މިހާރު ތިޔަބުނާ އެކްސްޗޭންޖްތަކުން މިކުރާކަމަކީ، މިކުރާކަމަކީ 15.42ގެ ރޭޓުން ޑޮލަރުނަގާ ވަގަށް އެހެންފަރާތްތަކަށް ބޮޑުއަގުގަ މިޑޮލަރު ވިއްކުމުގެ ވަގުވިޔަފާރި