Saturday, 14 November 2026
Advertisement
Ooredoo — Airfibre (leaderboard)
ޚަބަރު

އަށް މިލިއަނަށް ވުރެ ގިނަ ސިނގިރެޓް އަތުލައިގެންފި

އަށް މިލިއަނަށް ވުރެ ގިނަ ސިނގިރެޓް އަތުލައިގެންފި

‏ކަނޑުމަގުން ވަގަށް އެތެރެކުރަން އުޅުނު އަށް މިލިއަނަށް ވުރެ ގިނަ ސިނގިރެޓް އަތުލައިގެންފިއެވެ.

ކަސްޓަމްސްއިން މިއަދު ބުނީ އެ ސިނގިރެޓްތައް އަތުލައިގަތީ މިދިޔަ ހޯމަ ދުވަހު މާލޭ ކޮމާޝަލް ހާބަރުގައި ހިންގުނު ޚާއްސަ އޮޕަރޭޝަނެއްގައި “ޖެނެރަލް ކާގޯ”ގެ ގޮތުގައި ޑިކްލެއަރކޮށްފައިވާ ޝިޕްމަންޓެއް ބަލާފާސްކުރުމުގެ ތެރޭގައި ކަމަށެވެ.

އެގޮތުން  އެ ޝިޕްމަންޓުގެ ތެރެއިން ގިނަ އަދަދެއްގެ ސިނގިރޭޓް ފޮރުވާފައި ހުއްޓާ ވަނީ ފެނުނު ކަމަށާއި އެ އެގޮތުން ޖުމްލަ 8،527،480 ސިނގިރޭޓް ސްޓިކްސް ހޯދައި، ކަސްޓަމްސްގެ ބެލުމުގެ ދަށަށް ގެނައިކަމަށް ބުންޏެވެ.

Advertisement
Allied Insurance — Square (box)

ކަސްޓަމްސްއިން ބުނީ އެ މައްސަލަ އިތުރަށް ތަހުގީގުކުރަމުންދާ ކަމަށެވެ. އިތުރު ތަފްސީލެއް ނުދެއެވެ. އަދި އެ ސިނގިރެޓްތައް އެތެރެކުރި ފަރާތުގެ މައުލޫމާތެއް ވެސް ކަސްޓަމްސްއިން ހާމައެއް ނުކުރެއެވެ.

އެ ސިނގިރެޓްތައް ޑިކްލެއާކޮށްގެން އެތެރެކޮށްފިނަމަ ޑިއުޓީގެ ގޮތުގައި 34 މިލިއަނަށް ވުރެ ގިނަ ރުފިޔާ ދައްކަން ޖެހޭނެއެވެ.

ސިނގިރެޓް ޑިއުޓީގެ ގޮތުގައި ސްޓިކަކުން އަށް ރުފިޔާއަށް ވުރެ ބޮޑު ކުރުމަށް ފަހު ސަރުކާރުން ފަހުން ވަނީ އެ އަދަދު ހަތަރު ރުފިޔާއަށް ކުޑަކޮށްފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.