Wednesday, 18 November 2026
Advertisement
MWSC — SmartMeter (leaderboard)
ޚަބަރު

މިސްކިތްތައް މަރާމާތުކުރުމަށް އިސްލާމީ ވުޒާރާއާއި އުރީދޫ ގުޅިގެން "އުރީދޫ މަސްޖިދުނާ" ފަށައިފި

މިސްކިތްތައް މަރާމާތުކުރުމަށް އިސްލާމީ ވުޒާރާއާއި އުރީދޫ ގުޅިގެން "އުރީދޫ މަސްޖިދުނާ" ފަށައިފި

ދިވެހިރާއްޖޭގެ އެކި ކަންކޮޅުތަކުގައިވާ މިސްކިތްތައް މަރާމާތުކޮށް ބެލެހެއްޓުމަށްޓަކައި، އިސްލާމީ ކަންތައްތަކާ ބެހޭ ވުޒާރާއާއި އުރީދޫ މޯލްޑިވްސް ގުޅިގެން މިއަދު ބޭއްވި ނޫސްވެރިންގެ ބައްދަލުވުމެއްގައި "އުރީދޫ މަސްޖިދުނާ"ގެ ނަމުގައި ޚާއްޞަ މަޝްރޫޢެއް ރަސްމީކޮށް ފަށައިފިއެވެ.

އުރީދޫގެ އިޖުތިމާޢީ ޒިންމާ (ސީ.އެސް.އާރު)ގެ ދަށުން ކުރިއަށް ގެންދިއުމަށް ހަމަޖެހިފައިވާ މި ޕްރޮގްރާމުގެ އަމާޒަކީ، ކޮންމެ އަހަރަކު ވެސް ރާއްޖޭގެ އެކި ސަރަޙައްދުތަކުން ފަސް މިސްކިތެއް ކަނޑައަޅައި އެ ތަންތަނުގެ އާބާތުރަފިލުވުމެވެ. މިގޮތުން، ކޮންމެ އަހަރެއްގެ ވެސް ބަރަކާތްތެރި ރަމަޟާން މަސް ފެށުމުގެ ކުރިން މި މަރާމާތުގެ އެންމެހާ މަސައްކަތްތައް ނިންމައި، އާންމުންނަށް ފަސޭހަކަމާ އެކު އަޅުކަންކުރެވޭނެ ފުރިހަމަ އިންތިޒާމެއް ހަމަޖައްސައިދިނުމަކީ މި ހަރަކާތުގެ އެންމެ ބޮޑު އެއް ބޭނުމެވެ.

ދީނީ ވަޞީލަތްތަކާއި ޢިމާރާތްތަކުގެ ފެންވަރު މަތިކުރުމަށް އަމާޒުހިފާފައިވާ މި މަސައްކަތާ ގުޅޭގޮތުން އިސްލާމީ ކަންތައްތަކާ ބެހޭ ވުޒާރާއިން ފާހަގަކުރައްވާފައި ވަނީ، މިއީ އިސްލާމީ އުމްރާނީ ތަރައްޤީ ގެނައުމުގައި ސަރުކާރާއި އަމިއްލަ ކުންފުނިތައް ގުޅިގެން ކުރެވޭ ވަރަށް މުހިންމު އަދި ދެމެހެއްޓެނިވި މަސައްކަތެއް ކަމަށެވެ. ހަމައެއާ އެކު، އުރީދޫން ބުނެފައި ވަނީ އެ ކުންފުނީގެ އެންމެ ބޮޑު އުންމީދަކީ ދިވެހި މުޖުތަމަޢުގެ ބޭނުންތައް ފުއްދައިދީ، މިސްކިތްތައް ފެންވަރު ރަނގަޅު ގޮތެއްގައި ބެލެހެއްޓުމަށް އެހީތެރިކަން ފޯރުކޮށްދިނުން ކަމުގައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.