ފާޅުގައި އެއްޖިންސުން ގުޅުން ހިންގަން ވާގިވެރިވާ ލިސްޓުގައި އައިޝާ
ނިއުޒިލޭންޑުގައި ފާޅުގައި އެއްޖިންސުން ގުޅުން ހިންގަން ވާގިވެރިވާ މީހުންގެ ލިސްޓުގައި އެ ގައުމުގެ ޕާލިމަންޓް މެންބަރަކަށް ހޮވިވަޑައިގެންނެވި ދިވެއްސެއްގެ ދަރިއެއް ކަމަށްވާ ޑރ.އައިޝާ ޖެނިފާ ވެރޯލްގެ ނަންވެސް ހިމެނިއްޖެއެވެ.
ރިޕޯޓްތައް ބުނާގޮތުގައި މުޅި ދުނިޔޭންވެސް އެއްޖިންސުން ގުޅުން ހިންގުމަށް އެންމެ ބޮޑަށް ވާގިވެރިވާ ޕާލިމަންޓަކީ ނިއުޒިލޭންޑްގެ ޕާލިމަންޓެވެ. އެގޮތުން ނިއުޒިލޭންޑްގެ ޕާލިމަންޓުގައި އެއްޖިންސުން ގުޅުން ހިންގުމަށް ވާގިވެރިވާ މެންބަރުންގެ ނަން މިވަނީ ރިޕޯޓްތަކުން އާންމު ކޮށްފައެވެެ.
އެ މެންބަރުންނަކީ ގްރާންޓް ރޮބާރޓްސަން، ލުއިސް ވޯލް، މެކާ ވައިތިރީ، ޓަމަޓި ކޮފޭ އަދި ކިރީ އެލަން ގެ އިތުރުން އަލަށް ޕާލިމަންޓަށް އިންތިހާބުވެ ވަޑައިގަތް ދިވެއްސެއްގެ ދަރި އައިޝާ ވެރޯލްގެ އިތުރުން ޝަނާން ހަލްބާޓް އަދި ގްލެން ބެނެތް ވެސް ހިމެނެއެވެ.
ނިއުޒިލޭންޑްުގެ ޕާލިމަންޓުގެ 120 މެންބަރުންގެ ތެރެއިން 12 މެންބަރުންނަކީ ފާޅުގައި އެއް ޖިންސުން ގުޅުން ހިންގުމަށް ވާގިވެރިވާ މީހުންނެވެ. ނިސްބަތުން ބަލާއިރު މިއީ ދުނިޔޭގެ ޕާލިމަންޓެއްގައި އެއް ޖިންސުން ގުޅުން ހިންގުމަށް ވާގިވެރިވާ މީހުން އެންމެ ގިނަ ގައުމެވެ.
ޑރ. އައިޝާ އަކީ ނިއުޒިލެންޑުގެ ސިޔާސީ ދާއިރާގައި ހަރަކާތްތެރިވާ ބޭފުޅެއްގެ އިތުރުން، އެޤައުމުގެ މަޝްހޫރު ޑޮކްޓަރެއް ވެސް މެއެވެ. އެގޮތުން އޭނާ ޚާއްސަ ވެފައިވަނީ ގައިން ގަޔަށް އަރާ ބަލިތަކަށް ފަރުވާދޭ ފިޒިޝަނެއްގެ ގޮތުގައެވެ.
