މާލޭގެ އިމާރާތެއް ގަނބައިގަނެއްޖެ
މާލޭގެ ޖަލާލުއްދީން މިސްކިތް ކައިރީ ހުރި އިމާރާތެއް ގަނބައި ގަނެއްޖެ ކަމަށް މައުލޫމާތު ލިބިއްޖެއެވެ.
މިއަދު ހަވީރު އެއިމާރާތް ގަނބައި ގަނެގެން، ޖެހިގެން ހުރި އިމާރާތާއި ކުޑަކޮށް ވަކިވެފައިވާ ކަމަށް ބައެއް ފަރާތްތަކުން ވަނީ ބުނެފައެވެ.
މިހާދިސާއާއި ގުޅިގެން ދައުރުވެފައިވާ ބައެއް ފޮޓޯތަކަށް ބަލާއިރު އެ އިމާރާތުގެ ތިރީގައި ހުރި ފިހާރައިގެ ބިއްލޫރިގަނޑު ވެސް ވަނީ ވަރަށް ބޮޑަށް ތަޅައިގެން ގޮސްފަ އެވެ.
އެއިމާރާތް ގަނބައިގެން ގޮސްފައިވީ ނަމަވެސް، އެއްވެސް މީހަކަށް އަނިޔާއެއް ލިބިފައިވާ ކަމަކަށް އަދި އެނގިފައެއް ނުވެއެވެ.
ފުލުހުންގެ މީޑިއާ އޮފިޝަލަކު ވިދާޅުވީ މާލެ، ޗާންދަނީމަގު ސެލްޒޯން ފިހާރައިގެ ބިއްލޫރިގަނޑު ތަޅައިގެން ގޮސްފައިވާކަމުގެ މައުލޫމާތު މިއަދު މެންދުރުފަހު 13:20 ހާއިރު ފުލުހުންނަށް ލިބިފައިވާ ކަމަށެވެ.
މިމައްސަލައާއި ގުޅިގެން ބަލަންޖެހޭ ކަންކަން ބަލަމުންދާ ކަމަށް ވެސް ފުލުހުން ވިދާޅުވެފައިވެއެވެ.
