ބްރިޖް މަޝްރޫއަށް އިންޑިއާއިން ދޭ 100 މިލިއަން ޑޮލަރުގެ ހިލޭ އެހީގެ އެއްބަސްވުމުގައި ސޮއިކޮށްފި
މާލެ، ވިލިނގިލި، ތިލަފުށި އަދި ގުޅީފަޅު ގުޅުވާލަދޭ ބްރިޖްގެ މަސައްކަތަށް އިންޑިއާ ސަރުކާރުން ދޭ 100 މިލިއަން އެމެރިކާ ޑޮލަރުގެ ހިލޭ އެހީއާ ގުޅޭ އެއްބަސްވުމުގައި މިއަދު ސޮއިކޮށްފިއެވެ.
ސަރުކާރުން ވިދާޅުވި ގޮތުގައި މި މަޝްރޫއުއަކީ މިހާތަނަށް ރާއްޖޭގައި ހިންގާ އުމްރާނީ ތަރައްގީގެ އެންމެ ބޮޑު މަޝްރޫއުއެވެ. ނެދަލޭންޑް ކުންފުންޏަކާ މި ބްރިޖްގެ ސާވޭ މަސައްކަތްކުރުމަށް ހަވާލު ކުރެވިފައިވާއިރު މިހާރު މާލެ، ވިލިނގިލި، ތިލަފުށި އަދި ގުޅީފަޅު ގުޅުވާލަދޭ މި ބްރިޖްގެ ކަރުދާހުގެ މަސައްކަތް ވަނީ ފަށާފައެވެ.
މި މަޝްރޫއުގެ ދަށުން މާލެ، ވިލިނގިލި، ތިލަފުށި އަދި ގުޅީފަޅު އިންޓަނޭޝަނަލް ޕޯޓް ގުޅާލުމަށް ޖުމްލަ 6.7 ކިލޯމީޓަރުގެ ބްރިޖެއް ކޯޒްވޭތަކާއެކު ހެދުމަށް ވަނީ ހަމަޖެހިފައެވެ.
މާލެ، ވިލިނގިލި، ތިލަފުށީ އަދި ގުޅީފަޅު ގުޅާލުމަށް ތިން ބްރިޖް ހެދުމަށް ވަނީ ހަމަޖެހިފައެވެ. އެގޮތުން މި ބްރިޖް އެކުލެވިގެން ވަނީ 6،695 ކިލޯ މީޓަރުގެ ބްރިޖުތަކާ ކޯޒްވޭގެ މައްޗަށެވެ.
މި ބްރިޖް އެޅިގެން ދިޔުމުން އާންމުންނަށް ބޮޑެތި ފަސޭހަތަކެއް ލިބުމުގެ އިތުރުން މީގެ އިތުރުން ރާއްޖޭގެ އިގްތިސޯދަށް ބޮޑެތި ކުރިއެރުންތަކެއް ލިބިގެންދާނެއެވެ.
