ހަވާ އެރުވުމަށްވުރެ، ކާއެއްޗެއް ނުލިބިތިބި އެތަކެއް ޢާއިލާއަށް އެފައިސާއިން ކޮއްތު ދިނުން މާފައިދާ ބޮޑު: ޝެއިޚް ޝަފީޢު
ހަވާ އެރުވުމަށްވުރެ ތިމާއަށް ދިމާވާ އުފާވެރި މުނާސަބަތުތަކުގައި، ކާއެއްޗެއް ނުލިބި ތިބި އެތަކެއް ޢާއިލާއަށް އެ ފައިސާއިން މަސްދުވަހުގެ ކޮއްތު ދެވިދާނެ ކަމަށް މަޝްހޫރު ދީނީ ޢިލްމުވެރިޔާ ޝެއިޚް ޝަފީޢު ޢަބްދުﷲ ނަސޭޙަތް މިއަދު ދެއްވައިފިއެވެ.
ޝެއިޚް މިފަދައިން ވިދާޅުވެފައިވަނީ ރޭ މާލޭގެ ޢިއްޒުއްދީންފާލަމާ ދިމާ ބޭރުން ކަނޑުމަތީގައި، ހަވާ އެރުވުމާ ގުޅިގެންނެވެ. ހަވާ އަރުވާފައި ވަނީ ރޭގައި ކައިވެނިކުރި ދިވެހި ދެމަފިރިއަކަށް އެދެމީހުންގެ ޢާއިލާއިން ދިން ސަޕްރައިޒް ހަދިޔާއެއްގެ ގޮތުގައެވެ.
އެމްއެންޑީއެފުން ބުނެފައި ވަނީ މިއީ ވިޔަފާރި އުސޫލުން އެމްއެންޑީއެފްގެ "ސިފްކޯ" ގެ ފަރާތުން ބާއްވައިދިން ހަރަކާތެއް ކަމަށެވެ.
އެގޮތުން މިފަދައިން އަމިއްލަ ފަރާތްތަކުން ހަވާ އަރުވަން ބޭނުންނަމަ، ހަވާއެރުވޭނެ އަގުތައް ވެސް ރޭގައި ވަނީ ހާމަ ކޮށްފައެވެ.
އެ އަގުތައް ވެސް ހިމެނުމަށް ފަހު ޝެއިޚް ޝަފީޢު އެމަނިކުފާނުގެ ރަސްމީ ފޭސްބުކް ޕޭޖުގައި ޕޯސްޓު ވިދާޅުވެފައި ވަނީ ހަވާއެ ރުވުމަށްވުރެ ތިމާއަށް ދިމާވާ އުފާވެރި މުނާސަބަތުތަކުގައި، ކާއެއްޗެއް ނުލިބި ތިބި އެތަކެއް ޢާއިލާއަށް އެ ފައިސާއިން މަސްދުވަހުގެ ކޮއްތު ދެވިދާނެ ކަމަށެވެ.
"އާޚިރަތަށް ރައްކާކުރެވޭ އެއްޗެއް އެއީ. ދުނިޔޭގައި ވެސް ހެޔޮ ދުޢާ އާއި ބަރަކާތް ވެސް މިންވަރުވެގެން ދާނެ ކަމެއް އެއީ. އޭގެ ބަދަލުގައި 2 މިނިޓްގެ ވަޤުތީ އުފަލަށް، އެ ފައިސާ ހަވަޔަށް އަރުވާ އަންދާލުމުން އެ ކުރެވުނީ އިސްރާފު." ޝެއިޚް ވިދާޅުވެފައިވެއެވެ.
މީގެއިތުރުން ޝެއިޚް ޝަފީޢު ވިދާޅުވެފައި ވަނީ މިފަދައިން ހަވާ އަރުވައިގެން ފައިސާ އިސްރާފު ކުރުމަކީ މުއުމިނުން، މުސްލިމުންގެ ގޮތެއް ނޫން ކަމަށާއި މުއުމިނުން މުސްލިމުން ވިސްނާނީ ދުނިޔޭގައި ނިކަމެތިންނަށް ހެޔޮ ފޯރުކޮށްދިނުމާއި، އާޚިރަތަށް ރައްކާކުރެވޭނެ ކަމެއް އޭނައަށް މާތް ﷲ ދެއްވި މުދަލުން ކުރުމަށް ކަމުގައެވެ.
"ފައިދާ ކުރަނިވި އިންވެސްޓްމެންޓަކީ އެއީ" ޝެއިޚް ޝަފީޢު ވިދާޅުވެފައިވެއެވެ.
ތިމާމެންގެ ފޮނިކަން ދައްކަން ޖެހޭނެޔެނު. އެހެންނޫނީ ކައިވެނި ކުރިކަމަކަށް ނުވާނެޔެނު.
އޭރުން އިންޑިޔާ ރުއްސާނީ ކިހިނެއް. ޝޭޢީކް ތީ މޮޔައެއްތަ. މީދީނީ ކަމެކޭ މިހާރު