މާލޭގައި އުޅޭ މީހުން އަތުން އިތުރު ފީތަކެއް ނަގަން އުޅޭތީ މުއިއްޒުގެ ފާޑު ކިއުން
މާލެ ސަރަހައްދުގައި ދިރިއުޅޭ ރައްޔިތުން ދުއްވާ އުޅަނދު ފަހަރުތަކުން "ކޮންޖެޝަން ފީ" އެއް ތައާރަފް ކުރާތީ މާލެ މޭޔަރު ކަމަށް ވާދަކުރައްވާ އިދިކޮޅު ޕީޕީއެމްގެ ކެންޑިޑޭޓް ޑރ. މުހައްމަދު މުއިއްޒު ފާޑު ވިދާޅުވެއްޖެއެވެ.
މުއިއްޒު މިހެން ވިދާޅުވެފައިވަނީ މިއަދު ހެނދުނު ކުރެއްވި ޓްވީޓެއްގައެވެ.
ބަޖެޓްގައި އާމްދަނީ ހޯދާ ވަސީލަތެއްގެ ގޮތުގައި "ކޮންޖެޝަން ޗާޖް" ގެ ނަމުގައި މާލޭ ގައި ދިރިއުޅޭ ރައްޔިތުންގެ ޖީބުން ފައިސާ ނަގަން ވަނީ ހުށަހަޅާފަ. ޓްރެފިކްއާއި ޕާކިން މައްސަލަ ހައްލުވުމަކީ ރައްޔިތުން އިތުރައް ހަނާކޮށް އިތުރަށް ފަޤީރުކޮށް ނިކަމެތި ކޮށްލަން ޖެހޭ ސަބަބެއް ނޫން" މުއިއްޒު ކުރެއްވި ޓްވީޓްގައި ބުނެފައިވެއެނެ.
އަންނަ އަހަރަށް ލަފާކޮށް ރައްޔިތުންގެ މަޖިލީހަށް ހުށަހަޅާފައިވާ ދައުލަތުގެ ބަޖެޓްގައި ތޮއްޖެހުން ކުޑަކުރުމުގެ ގޮތުން ކޮންޖެޝަން ޗާޖެއް ނަގަން ހިމަނާފައިވާ އިރު ބަޖެޓުގައި ބުނެފައި ވަނީ މާލެ ސަރަހައްދަކީ ގިނަ އަދަދެއްގެ މީހުން ދިރިއުޅޭ ސަރަހައްދަކަށްވެފައި ގިނަ އަދަދެއްގެ ދުއްވާ އުޅަނދު ބޭނުންކުރާ ސަރަހައްދަކަށް ވާތީ މަގުތަކަށް ބާރުބޮޑުވެ ބައިބޯވުމަކީ އާންމު ރައްޔިތުންނަށް އެތަކެއް އުނދަގޫތަކާ ކުރިމަތިވަމުންދާ ކަމެއް ކަމަށެވެ. އަދި މި ފީ ނަގަނީ މާލޭ ސަރަަހައްދުގެ ބައިބޯވުން ކުޑަކުރުން ކަމަށް ވެސް ބަޖެޓް ފޮތުގައި ލިޔެފައިވެއެވެ.
ކޮންޖެޝަން ޗާޖާއި ޕާކިން ފީގެ ގޮތުގައި އަންނަ އަހަރު 36.6 މިލިއަން ރުފިޔާ ލިބޭނެ ކަމަށް ވަނީ ލަފާކޮށްފަ އެވެ. ބަޖެޓުގައި ބުނެފައި ވަނީ މަގުތަކުގައި ދުއްވާ އުޅަނދުތައް ގިނަވުމުގެ ސަބަބުން ދިމާވާ މައްސަލަތަކަށް ބޮޑެތި ހަރަދުތަކެއް ހިނގާ ކަމަށެވެ.
ތީބޯހަމަނުޖެހޭ ބޮޑު ވަގެއް