ކޮވިޑް-19: މާފުށިން ފައްސިވީ ހުރިހާ ފަތުރުވެރިން ރަނގަޅުވެއްޖެ

މާފުށިން ކޮވިޑް-19 އަށް ފައްސިވީ ހުރިހާ ފަތުރުވެރިން ބަލިން ރަނގަޅު ވެއްޖެއެވެ.

Ads by Sosun Fihaara

ފުޅާ ދާއިރާއެއްގައި ގެސްްޓްހައުސް ވިޔަފާރިކުރާ މާފުށިން ކޮވިޑް-19 އަށް ފައްސިވީ ފަސް ފަތުރުވެރިއެކެވެ. އެ ފަސް ފަތުރުވެރިން ވެސް މިހާރު ބަލިން ރަނގަޅު ވެއްޖެ ކަމަށް މައުލޫމާތު ލިބެއެވެ.

ފައްސިވީ ފަސް މީހުންގެ ތެރެއިން އެކަކު މީގެ ދުވަސްކޮޅެއް ކުރިން ބަލިން ފަސޭހަ ވެފައިވާއިރު، ދެން ތިބި ހަތަރު މީހުން ބަލިން ރަނގަޅު ވެފައިވާކަން އެނގިފައިވަނީ މިއަދުއެވެ.

މިފަސް ފަތުރުވެރިން ވެސް ކޮވިޑް-19 އަށް ފައްސިކަން އެނގިފައި ވަނީ ފުރަން އުޅެނިކޮށެވެ. މިމީހުންނަށްފަހު އިތުރު މީހަކު އެރަށުން މިބައްޔަށް ފައްސި ވެފައި ނުވާކަން ވެސް ހާމަވެފައިވެއެވެ.

މާފުށީގައި މިހާރު ވެސް 240 އެއްހާ ފަތުރުވެރިން ޗުއްޓީ ހޭދަކުރަމުން އެބަދެއެވެ.