ތިނަދޫގެ ފަޅުގައި އޮތް ދޯންޏެއްގައި އަލިފާން ރޯވެއްޖެ
ގދ. ތިނަދޫގެ ފަޅުގައި އޮތް ދޯންޏެއްގައި، އެއްޗެއް ގޮވައިގެން އަލިފާނުގެ ހާދިސާއެއް ހިނގައިފިއެވެ.
އޮންލައިން ނޫސް "ގާފު" އިން ބުނެފައިވަނީ މިހާދިސާ ހިނގާފައި ވަނީ އެދޯނީގައި ހުރި ގޭސް ފުޅިއެއް ގޮވައިގެން ކަމަށް މައުލޫމާތު ލިބޭ ކަމަށެވެ.
ރޭ ދަންވަރުގެ ވަގުތެއްގައި ހިނގި މިހާދިސާގެ ސަބަބުން ފަސް މީހަކަށް އަނިޔާވެފައި ވެއެވެ. މިއީ އެހާދިސާ ހިނގިއިރު އޭގައި ތިބި ފަސް މީހުން ކަމަށާއި އެމީހުންނަށް ޑރ. އަބްދުއްސަމަދު މެމޯރިއަލް ހޮސްޕިޓަލުން ފަރުވާ ދެމުން އަންނަ ކަމަށް ވެސް މައުލޫމާތު ލިބެއެވެ.
އެނގިފައިވާ ގޮތުގައި އަލިފާން ރޯވެފައިވަނީ "ރާސްތާ" ނަމަކަށް ކިޔާ މަސްދޯންޏެއްގައެވެ. މިހާދިސާގައި އަނިޔާވި މީހުން ވަނީ ފިހިފައި ކަމަށް ވެސް މައުލޫމާތު ލިބިފައިވެއެވެ.
އެމްއެންޑީއެފްގެ ފަޔަރ އެންޑް ރެސްކިޔު ސާވިސަސް އިން ވަނީ އެދޯނީގައި ރޯވި އަލިފާންގަނޑު ނިއްވާލުމުގައި ހަރަކާތްތެރި ވެފައެވެ.
Ads by STO
