ރާއްޖެއަށް އިންޓެގްރޭޓެޑް ޓުއަރިޒަމް ގެންނަން ޖެހޭ: ރާއިދު
ފަތުރުވެރިކަން ހިންގާ ތަންތަން އެންމެ މީހެއްގެ ނަން މަތީގައި އޮތުމުގެ ބަދަލުގައި ރާއްޖެއަށް އިންޓެގްރޭޓެޑް ޓުއަރިޒަމް ތައާރަފްކޮށް ހިންގަން ޖެހޭ ކަމަށް މޯލްޑިވްސް އިންޓެގްރޭޓެޑް ޓުއަރިޒަމް ޑިވަލަޕްމަންޓް ކޯޕަރޭޝަން (އެމްއައިޓީޑީސީ) ގެ މެނޭޖިންގެ ޑިރެކްޓަރ މުހައްމަދު ރާއިދު ވިދާޅުވެއްޖެއެވެ.
ރާއްޖެޓީވީގެ ޕްރޮގްރާމެއްގައި ވާހަކަދައްކަވަމުން ރައީދު ވިދާޅުވީ ރަށެއް އެއް އޯނަރަކަށް ދިނުމުގެ ބަދަލުގައި ރަށްރަށުގައި ކޮމްޕޯނެންޓް ހަދައިގެން ގިނަ ބަޔަކަށް މަންފާ ލިބޭނެ ގޮތަކަށް މިހާރު ޓޫރިޒަމް އިންޑަސްޓްރީ މަޑު މަޑުން ބަދަލުކުރަން ވެއްޖެ ކަމަށެވެ.
އެގޮތުން އިންޓްގްރޭޓެޑް ޓޫރިޒަމް ރާއްޖެ ގެންނަން ވެއްްޖެ ކަން ފާހަގަކުރައްވައި ރާއިދު ވިދާޅުވީ ރާއްޖޭގައި އިންޓެގްރޭޓެޑް ސިސްޓަމަށް ހުޅުވޭ ފުރަތަމަ ރިސޯޓަށް ބަރެސްދޫ ވެގެންދާނެ ކަމަށެވެ. އެގޮތުން ބަރެސްދޫއަކީ 150 ކޮޓަރި ނުވަތަ 3000 އެނދުގެ ބޮޑު ޕްރޮޖެކްޓެއް ކަން އޭނާ ފާހަގަ ކުރެއްވިއެވެ.
"1 އަހަރު ގެއްލިގެން މިދިޔައީ ކޮވިޑްގެ ހާދިސާގައި. އެހެންވީމަ އިންވެސްޓަރުންނާއި އިންވެސްޓް ކުރަން ތިބި ފަރާތްތަކާއި އަދި ފަތުރުވެރިކަމުގައި ހަރަކާތްތެރިވާ ފަރާތްތަކަށް ވެސް އަދި މުޅި ދުނިޔެއަށް ވެސް އެކަމުގައި ލޮޅުން ވަނީ އައިސްފައި. އެހެން ނަމަވެސް އެކަމުގެ ތެރޭގައި އަޅުގަނޑުމެން ކުރިއަށް މިދަނީ. މި ދައުރުގެ ތެރޭގައި ބަރެސްދޫގެ ފުރަތަމަ ފޭސް ނިންމާފައި ނަމަވެސް ފަތުރުވެރިން ގެނައުމަށްޓަކައި އެ މަގުން މަސައްކަތް ކުރަމުން މިދަނީ،" ރާއިދު ވިދާޅުވިއެވެ،
އޭނާ އިތުރަށް ވިދާޅުވި ބަރެސްދޫ ޕްރޮޖެކްޓަކީ ފަޅު ނުހިއްކާ ގުދުރަތީ ރަށެއްގައި ހިންގޭނެ އެންމެ ބޮޑު ޕްރޮޖެކްޓު ކަމަށާއި ފޭސްތަކަށް ބަހާލައިގެން މި ދައުރުގެ ތެރޭގައި ބަރެސްދޫއަށް ފަތުރުވެރިން ގެނައުމަކީ އަމާޒެއް ކަމަށެވެ.
Ads by STO
