މި ސަރަހައްދުގައި އިންޓަރނެޓު ސްޕީޑް އެންމެ ހަލުވި ގައުމަކަށް ރާއްޖެ!
ސާކު ޤައުމުތަކުގެ ތެރެއިން މޯބައިލް އިންޓަރނެޓް ސްޕީޑު އެންމެ ހަލުވި ޤައުމަކީ ރާއްޖެކަމަށް އޯކްލާއިން ނެރުނު ރިޕޯޓަކުން ދައްކައިފިއެވެ.
މުޅި ދުނިޔެއިން 139 ގައުމެއް ހިމެނޭ އެ ލިސްޓުގައި ރާއްޖެ އޮތީ 53 ވަނައިގައެވެ، އެ ރިޕޯޓުން ދައްކާ ގޮތުގައި ރާއްޖޭގެ އިންޓަރނެޓުގެ އެވަރެޖް ސްޕީޑަކީ 38.37 އެމްބީޕީއެސްއެވެ.
މިއަހަރުގެ އޮކްޓޯބަރު މަހުގައި ނެރެފައިވާ އޯކްލައިންގެ ރިޕޯޓްގައި ވާ ގޮތުން މިދިޔަ އަހަރުގެ އޮކްޓޯބަރު މަހު ރާއްޖެއަށް ލިބިފައިވަނީ މި ލިސްޓުގެ 72 ވަނައެވެ. އެހެންކަމުން މި އަހަރުގެ ރިޕޯޓަށް ބަލާއިރު ރާއްޖެއިން ވަނީ މިދިޔަ އަހަރަށްވުރެ 19 ދަރަޖަ މަައްޗަށް ޖެހިލައިފައެވެ.
ސާކުގެ ގައުމުތަކުގެ ތެެރެއިން އެންމެ ކުރީގައި ރާއްޖެ 53 ވަނައާއެކު އުޅޭއިރު، މި ލިސްޓުގައި ރާއްޖެއާ އެންމެ ކައިރި ކުރާ ސާކުގެ ގައުމަކީ ޕާކިސްތާނެވެ. ޕާކިސްތާނު އޮތީ މި ލިސްޓުގެ 106 ވަނައިގައެވެ. އަދި އަވައްޓެރި ސްރީލަންކާއަށް ލިބިފައި ވަނީ 118 ވަނައެވެ.
މި ލިސްޓުގެ 120ވަނަ ނޭޕާލުން ހޯދާފައިވާއިރު ލިސްޓުގެ 131 ވަނައިގައި އޮތީ އަވަށްޓެރި އިންޑިއާއެވެ. މި ލިސްޓުގެ އެންމެ ފަހަތުގައި އޮތީ އަފްގާނިސްތާނެވެ.
މި ލިސްޓުން ދައްކާ ގޮތުގައި ދުނިޔޭގެ އެންމެ އިންޓަރނެޓު ސްޕީޑް ހަލުވި ގައުމަކީ ސައުތު ކޮރިއާއެވެ. އެ ގައުމުގެ އިންޓަރނޓް ސްޕީޑަކީ ސިކުންތަކު 145 އެމްބީޕީއެސް އެެވެ.
އެހެން ސާރވޭއެއްގަ އިންޓަރނެޓް އެންމެ އަގުބޮޑީ ކޮންގައުމެއްތޯ ބަލާބަލަ. ބޮއި ހަލާކު
ދުނިޔޭގެ އެންމެ އިންޓާރނެޓް އަގުބޮޑް ގައުމު އެކަމް ލޯޑް ކުރަންވެސް އެހާ ވަގުތު ނަގާ ސުޕީޑް މާ ހަލުވި
ތިޔަ ރިޕޯރޓް ވާނީ މިނިސްޓަރު މަލީޙްގެ އިތުބާރު ނެތްކަމުގެ މައްސަލަ މަޖިލީހަށް ވައްދާފައިވާތީ، ދިވެހިންގެ ލޮލުގައި އަނދުން އަޅުވަން، ބަޔަކަށް ރުފިޔާ ދީގެން ނެރިގެން އުޅޭ ރިޕޯރޓަކަަށް. މި ރާއްޖޭގެ ކިތަައް މީހުންނަށްބާ ތިޔަަ ރިޕޯރޓުގައި ލިޔެފަ އޮތް ސްޕީޑުގައި އިންޓަރނެޓު ލިބެނީ؟ އަދި މިސަރަޙައްދުގެ ޤައުމުތަކަށް ނިސްބަތްކުރާއިރު އިންޓަރނެޓުގެ އަގު ރާއްޖޭގައި އުޅެނީ ކިިހާ ހެޔޮއަގެއްގައިތޯ؟ މިއީ ހަމަ އުފެދޭ ސުވާލު…