އެމްޕީއެލް ސަރަޙައްދުގައި އަލިފާނުގެ ހާދިސާއެއް ހިނގައިފި
މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ކޮންޓެއިނަރުތައް ބަހައްޓާފައި ހުންނަ ސަރަހައްދުގައި އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފްގެ ތަރުޖަމާނު މޭޖަރ އިބްރާހިމް އާޒިމް މިކަމާ ގުޅޭގޮތުން މައުލޫމާތު ދެއްވަމުން ވިދާޅުވީ އަލިފާން ރޯވީ އެމްޕީއެލް ސަރަޙައްދުގައި ހުރި ޓަޔަރު ތަކެއްގައި ކަމަށާއި އެމްއެންޑީއެފް ގެ ފަޔަރ ޓީމު އެސަރަޙައްދަށް ދިޔައިރު އަލިފާންގަނޑު ވަނީ ނިއްވާލާފައި ކަމަށެވެ.
ނަމަވެސް އަދިވެސް އެތަނުގައި ދުމުގެ އަސަރު ހުރި ކަމަށް އެމްއެންޑީއެފުން މައުލޫމާތު ދީފައިވެއެވެ.
އަލިފާނުގެ ހާދިސާއެއް ހިނގައިގެން އެމްއެންޑީއެފް އަށް ރިޕޯޓު ކޮށްފައިވަނީ މިއަދު 14:32 ގައެވެ. އިތުރު މައުލޫމާތެއް އެމްއެންޑީއެފް އިން ހިއްސާ ކޮށްފައެއް ނުވެއެވެ.
ރޯވި އަލިފާންގަނޑު ވަރަށް އަވަހަށް ނިއްވާލި ކަމަށާއި، މިހާދިސާގައި އެއްވެސް މީހަކަށް އަނިޔާއެއް ލިބިފައިނުވާ ކަމަށް މައުލޫމާތު ލިިބިފައިވެއެވެ.
Ads by STO
