ދިއެފްއެމްގެ ކުރީގެ ސީއީއޯ މަސްއޫދުގެ ކާރުގައި ރޯކޮށްލައިފި

ދިއެފްއެމްގެ ކުރީގެ ސީއީއޯ މަސްއޫދު ހިލްމީގެ ކާރުގައި ރޯކޮށްލައިފިއެވެ.

Ads by STELCO

އެނގިފައިވާ ގޮތުގައި މަސްއޫދުގެ ކާރުގައި ރޯކޮށްލާފައިވަނީ ރޭ ދަންވަރުގެ ވަގުތެއްގައެވެ. ރޯކޮށްލިއިރު އެކާރު އޮތީ ލ. ފޮނަދޫގެ ޕަބްލިކް ޕާކިން އޭރިއާއެއްގައި ޕާކުކޮށްފައެވެ.

އޮންލައިން ނޫސް "ސީއެންއެމް" އަށް އެކަމާ ގުޅޭގޮތުން މައުލޫމާތު ދެއްވަމުން މަސްއޫދު ވިދާޅުވެފައި ވަނީ އެކަމެއް ހިނގާފައި ވަނީ ރޭ ދަންވަރު 3:07 ހާއިރު ކަމަށެވެ. ކާރު ޕާކު ކުރުމަށް ފަހު ގެއަށް އައިތަނުން ރައްޓެއްސަކު ގުޅައި ކާރުގައި ރޯވެފައިވާ ކަމުގެ މައުލޫމާތު ހިއްސާކުރި ކަމަށް ވެސް މަސްއޫދު ވިދާޅުވެފައި ވެއެވެ.

އެމްއެންޑީއެފް އިން ފަޔަރ ޓީމުން އެސަރަޙައްދަށް ގޮސް އަލިފާންގަނޑު ނިއްވާލިއިރު، މަސްއޫދުގެ ކާރުގެ ފަހަތްކޮޅު އެއްކޮށް އަނދާފައިވާ ކަމަށް ވެސް މަސްއޫދު ވިދާޅުވެފައި ވެއެވެ.

ކާރުގައި ރޯކޮށްލި މައްސަލައާ ގުޅިގެން މިއަދު މެންދުރުފަހުގެ ވަގުތެއްގައި ފުލުހުންނަށް ބަޔާންދިނުމަށް ޕޮލިހަށް ހާޒިރުވުމަށް އަންގާފައިވާ ކަމަށާއި އެހެންނަމަވެސް އެކަމެއް ހިނގާފައިވަނީ އެއްވެސް އިންޒާރެއް ލިބުމެއް ނެތިކަމުން، މީހަކަށް ވެސް ޝައްކު ނުކުރެވޭ ކަމަށް މަސްއޫދު ވިދާޅުވިއެވެ.

ރޯކޮށްލި ކާރަކީ ދެލައްކަ ފަސް ހާހެއްހާ ރުފިޔާގެ ނިސާން ނޯޓް ބްރޭންޑްގެ ކާރެކެވެ.