މަސްތުވާތަކެތީގެ ވަބާގައިޖެހޭ އަންހެނުންނާއި ކުޑަކުދިން އިތުރުވަނީ
މަސްތުވާތަކެތީގެ ވަބާގައި ޖެހޭ އަންހެނުންނާއި ކުޑަކުދިންގެ އަދަދު އިތުރުވަމުން އަންނަ ކަމުގައި މިނިސްޓަރ އޮފް ޖެންޑަރ، ފެމިލީ އެންޑް ސޯޝަލް ސަރވިސަސް ޢާއިޝަތު މުޙައްމަދު ދީދީ ވިދާޅުވެއްޖެއެވެ.
މިނިސްޓަރު މިހެން ވިދާޅުވީ ޔުނައިޓެޑް ނޭޝަންސް އޮފީސް އޮން ޑްރަގްސް އެންޑް ކްރައިމް (ޔޫ.އެން.އޯ.ޑީ.ސީ) އަދި ނޭޝަނަލް ޑްރަގް އޭޖެންސީ ގުޅިގެން ކުރިއަށް ގެންދިޔަ "ޕްލޭސްހޯލްޑަރ ފޮރ މޯލްޑިވްސް މެޑިކޭޝަން އެސިސްޓެޑް ޓްރީޓްމަންޓް (އެމް.އޭ.ޓީ) ބްރީފިންގައި ވާހަކަފުޅު ދައްކަވަމުންނެވެ.
އެފަދަ މައްސަލަތައް ޙައްލުކުރުމަށް ގެންގުޅޭ ވައްޓަފާޅިއަށް ބަދަލުތަކެއް ގެންނަން ޖެހިފައިވާ ކަން ފާހަގަކޮށް މިނިސްޓަރު ވަނީ "އެވިޑެންސް ބޭސްޑް"، "ނީޑް ބޭސްޑް" އަދި "ކޮމިއުނިޓީ ބޭސްޑް އިންޓަރވެންޝަން" ޕްރޮގްރާމްތަކުގެ މައްޗަށް އަލިއަޅުވާލާފައެވެ. އަދި މަސްތުވާތަކެތި ބޭނުންކުރުމާބެހޭ ޤައުމީ ސިޔާސަތާއި، "ސްޓްރެޓެޖިކް ޕްލޭން" އަދި "ކޮސްޓެޑް ވަރކް ޕްލޭން" އެކުލަވައިލުމާއި، އަންހެނުންނަށާއި ކުޑަކުދިންނަށް ފަރުވާދޭ ރިހެބިލިޓޭޝަން ސެންޓަރުތައް ޤާއިމުކުރުމުގެ މުހިންމުކަން ވެސް މިނިސްޓަރު ފާހަގަ ކުރެއްވިއެވެ.
