މިނިސްޓަރ ނަހުލާއަށް ބޮޑެތި ތުހުމަތުތަކެއް ކުރައްވާ، ފަޔާޒް އިސްތިއުފާ ދެއްވައިފި
ޓްރާންސްޕޯޓް މިނިސްޓްރ އައިޝަތު ނަހުލާ އަށް ބޮޑެތި ތުހުމަތުތަކެއް ކުރައްވަމުން އެމިނިސްޓްރީގެ ޕާމަނަންޓް ސެކްރެޓަރީ އަބްދުﷲ ފަޔާޒު މަގާމުން އިސްތިއުފާ ދެއްވައިފިއެވެ.
ސިވިލް ސާވިސް ކޮމިޝަނަށް ފޮނުއްވި ސިޓީއެއްގައި ފޮނުއްވި ސިޓީއެއްގައި ފަޔާޒް ވިދާޅުވެފައި ވަނީ އޮފީހަށް ނިކުތުމަށް އަންގާ ލިޔުން" ލިބުމާއެކު މިއަހަރުގެ ނޮވެމްބަރު އެއްވަނަ ދުވަހު އޮފީހަށް ނުކުމެ މަސައްކަތުގައި އުޅެނިކޮށް ޓްރާންސްޕޯޓް މިނިސްޓަރ އޭނާއާ ބައްދަލު ކުރެއްވި ކަމަށެވެ. އަދި އެމިނިސްޓްރީގެ ޕާމަނަންޓް ސެކްރެޓަރީގެ މަގާމުން އިސްތިއުފާ ދެއްވުމަށް އެންގެވި ކަމަށެވެ.
އެދުވަހުގެ 12:00ގެ ކުރިން އިސްތިއުފާ ނުދެއްވައިފިނަމަ، މަގާމުން ވަކިކުރުމަށް ސިވިލް ސަރވިސް ކޮމިޝަނަށް މިނިސްޓަރު ލިޔުއްވާނެ ކަމަށް ވެސް ފަޔާޒް ގެ ސިޓީގައި ވިދާޅުވެފައިވެއެވެ.
މީގެ އިތުރުން ފަޔާޒް ވިދާޅުވީ ސީއެސްސީން ބަލަމުންދިޔަ އޭނާގެ މައްސަލަތަކުގެ ތަހުގީގު ނުނިމެނީސް، މަގާމުން އިސްތިއުފާ ދިނުމަށް އޭނާއަށް އަންގައި، އަދި މަގާމުން ވަކިކުރުމަށް މިނިސްޓަރު ހުންނަވައިގެން އެތައް މަސައްކަތްތަކެއް ކުރައްވާފައިވާ ކަމަށެވެ. އަދި ސީދާ ޞަރީހަ އިބާރާތުން އޭނާ ވަޒީފާއިން ވަކިކޮށް ދިނުމަށް އެެދި ސީއެސްސީގައި އެދުމުން، ސިވިލް ސަރވިސް ކޮމިޝަނުން އޭނާއާ ހަވާލުކޮށްފައިވާ ޕާމަނަންޓް ސެކްރެޓަރީކަމުގެ ޒިންމާ އަދާ ކުރާނެ މާހައުލެއް ޓްރާންސްޕޯޓް މިނިސްޓްރީގައި ނެތް ކަމަށް ވެސް ވިދާޅުވެފައިވެއެވެ.
"ވަޒީފާގައި ދެމި ހުރުމަށް ނިންމާ ނިންމުމުގެ ސަބަބުން އަޅުގަނޑުގެ މައްޗަށް އިތުރު ދޮގު އިލްޒާމު އެޅުވުމުގެ އިތުރަށް ނަފްސާނީ ގޮތުން އަޅުގަނޑަށް ފަހި މާހައުލެއް ޓްރާންސްޕޯޓް މިނިސްޓްރީގައި އޮތްކަމަށް ނުދެކެން" ފަޔާޒުގެ އިސްތިއުފާގެ ސިޓީގައި ވިދާޅުވެފައި ވެއެވެ.
މިކަލޭގެ މިއުޅީ ކޮން މެދެލެއް ޖަހައޮގެން ކޮން ކަމެއް ހާސިލްކުރަން. ތިމާގެ ނާގާބިލްކަމުން ކަންކަން ނުވެ ހިފަހައްޓަނުލެވުނީމަ އެއީ އެހެން ބަޔަކު ޒިންމާ ނަގަން ޖެޖޭކަމެއްނޫން. މަގާމަށް އައީވެސް މީހަކަށް އާދޭޒް ދަންނަވައިގެން
ވައްކަންް ކުރަން ކެރުނުނަމަަ އޯކޭޭ ވީސްނުު.
ނާޤާބިލް ކޮރަޕްޓް މީހުން ވަކިކުރަންވީ. މާލަސްވެއްޖެ.