އިކޮނޮމިކް މިނިސްޓަރު ފައްޔާޒު ކަނޑުއަޑިއަށް!
އިކޮނޮމިކް މިނިސްޓަރު ފައްޔާޒް އިސްމާއީލް ފުޅި އަޅައިގެން ފީނައި ވިލިމާލޭގެ ފަރުތައް ބައްލަވާލައްވައިފިއެވެ.
މިނިސްޓަރު ފައްޔާޒު ވިދާޅުވީ މިއީ އާ ތަޖުރިބާއެއް ކަމަށެވެ.
އެމަނިކުފާނު ކަނޑުއަޑީގައި ފީނަން ވަޑައިގަތީ ޑައިވާސް ލޮޖް ޓީމާއެކު މިއަދު އެވެ.
"މިއީ ވަރަށް ރަނގަޅު ތަޖުރިބާއެއް. އަދި އިންސްޓްރަކްޓަރު ވެސް ބަރާބަރު" މިނިސްޓަރު ފައްޔާޒު ވިދާޅުވިއެވެ.
މިއަދު އިކޮނޮމިކް މިނިސްޓަރު ޑައިވިންގަށް ވަޑައިގަންނަވާފައިވާއިރު، މީގެ ކުރިން ސަރުކާރުގެ ކެބިނެޓުގެ އެހެން އެކި މިނިސްޓަރުން ވެސް އިތުރުގަޑީގައި އެކި މަސައްކަތް ކުރައްވާ އެކަން ވަނީ މީސް މީޑިއާގައި އާއްމު ކުރައްވާފައެވެ.
އެގޮތުން ކޮމިއުނިކޭޝަން މިނިސްޓަރު މުހައްމަދު މަލީހު ޖަމާލު ހުސް ވަގުތު ގަސް އިންދުމުގެ މަސައްކަތްޕުޅު ކުރައްވާ ކަމަށް ވެއެވެ. ދާދި ފަހުން އެމަނިކުފާނު ވަނީ ވަޅު ދިޔަ ހިއްކާ ވީޑިއޯއެއް ވެސް އާންމު ކުރައްވާފައެވެ.
